I agencija Rojters hramonela basho rojbe e Srbijancengoro, Roma thaj Evreija mujal I Hrvatija

ROJTERS

Basho rojbe, kova so jek kupa taro o manusha tari diz Chikago tari Amerika vazdingjela mujal I Hrvatija, kolate so rodelape pukiniba zijanikeriba ko legariba taro 3.5 milijarde dolarija basho o kurbanija thaj jerilukija e Srbijancengere, Roma thaj Evreija kola so ule kurbanija thaj cidingje muke ko Dujto sumnaleskoro mariba, akana shurakerela te del haberi thaj I agencija Rojters.

I agencija sikavela kaj o ustashengoro rezimi, e nacistikane Germanijakere rezimeja, legargje e Hrvatijaja taro 1941 dzi ko agor taro 1945 bersh.

Ki teritorija e Hrvatijakiri sine chivde nekozom koncentraciono logoria, kote so sine bishalde o Evreija, o Roma thaj o Srbijancija, sikavela o Rojters thaj dzisikavenape kaj o procenti e numeroskoro taro mudarde dzene ko odola logorija but takatlimeste varirinela, numa o hemharno procenti kerela lafi thaj sikavela kaj sine mudarde nekozom 10 mile dzene.

– I Hrvatija nane naslednichka e Biethinale HRvatijakere Rashtrakoro, so jasno ergjovela ko hrvatijakoro Ustavi – poruchimo si taro HRvatijakoro Ministeriumi basho avtune thaj evropakere phuvja a o sebepeja I nota koja so basho odova resori dengjala I Ambsada e SADeskiri ko Zagreb.

O Rojters denal ki gnd kaj o hembare zulumeskoro koncentraciono logori sine ko Jasenovac, kova so arakhlovela ko centro e Hrvatijakoro, kote so sine mudarde pobuter taro 83 mile manusha, mashkar kolende sine thaj Hrvatija antifashistija.

Andinelape panda kaj tari rig e partizanengere phiribaskoro sar otpor telal ko legariba e kominstengoro margjepe thaj but Hrvatija.

O Rojters dela ki gnd thaj kaj I Hrvatija, akana sar dzejni ki EU, andingja o biethinalpa tari eks Jugoslavija ko 1991 bersh, agar so legarela sine 4 bershengoro mariba mujak o Srbijancija angleder te prelel I kontrola upral o sasto piro than.

Akava rojbe tari kupa taro Srbijancija, Roma thaj Evreija si dendi ko oficialno Zagreb ko dakikija e dzivdakeribaskoro e ustashtvongoro ki teritorija e saste Hrvatijakoro, kote so sekova dive ko but manifestacie thaj gndimale bara kulandinelape o ustashko seljami “Basho kher hazrlije”.

O hemucho legariba e HRvatijakoro sapanda na iklile pire havlaribaja basho akava rojbe.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha