Hrvatija: Skinhedskija atakuingje Romen

HRVATCKA

Irati ki zagrebeskiri kupatni Dolni Svetci ko pashipa e stadioneskoro HASHK iklilo jek atako upral o preperutne taro Roomano nacionalno minioriteti. Ola sine atakuime taro nekozom SKINHEDSIJA kote so hemhari jek Rom sine ratvardo thaj sine hospitalizirimo, dena haberi o Hrvaitijakere mediumija.

O haberija vakerena kaj jek dzeno si hospitalizirimo ko KB Dubrova thaj kaj si ikerdo ko saslaria.

Akaja namangli chipota iklili ko palokushlukoskere arija, kana kupa taro skinhedsija hemanglal verbalno arakuingje e kupa taro Roma, kote so sine bishalde darakerina ki nacioanlno funda.

Palo sa odola olengere doshperavibaskere lafija kaj o Roma si chora, hovavena, sovena ko droma, kaj o Roma divdinena ko melalipe thaj ko divo kerde kupatna sar thaj kaj ola meljarena o tasfiri olengere dizjakoro, I kupa taro atakuvachia palo odova lele fizichko te atakuinen e Romen kote so angjepe seriozno ratvarina ko badanija nekozome romengjere.

Sebepi o pharipna e ratvarinengoro nekola sine dikhle taro saslarutne thaj mukle ko kherutno saslariba a dzikote spremal o haberija taro odorigaskere mediumija, jek Rom sebepi o pharipa koleksere ratvarina sine hospitalizirimo ko KB Dubrovnik thaj dena haberi kaj ov sapanda ikerelape ko hospitali te shaj te oven leske kerde sastipasere dikhlarina thaj intervencie.

You may also like...

Sorry - Comments are closed