Hrvatija – O Roma sekote isto dzivdinena !!!

HRVATCKA

Spremal o paluno vashramovipa e dzianeskoro ki Hrvatija dzivdinena 17 mile Roma, numa anglederdikhelape kaj odova numero si but pobaro.

O hembaro evropakoro minioriteti, kola so nanelen piri rashtra dzivdinena phareste ki sekoja phuv, agar thaj ki Hrvatija. Dzivdinena kop hare chorolipaskere thaj najekhutne nijamija.

Ekvash taro o Romane jerilukija nanelen abdesana thaj pani basho pijbe. But hari taro o Romane terne chave ki Hrvatija si educirime.

Ki fundavno siklana dzana trujal 5400 sikle, mashkaruni siklana dzana ekvash taro o fundavno sikle, a olendar ko Hrvatijakere univerzitetija studirinena salde 29 Roma.

– Naneman haberija basho o agorkerdo numero taro studentija Roma, kolendar so ikliljovena nekote ko sekola 3 jali 4 bersha po jek, thaj odoleda jekhe nasijam ki chipota te chivale ki buti, vakerela o Biradzakoro Romano sektori ki Hrvatija.

I Jasmina Papa, i vaslegarutni ki programa bashi socijalno inkluzija taro UNDP ki Hrvatija vakerela kaj o Roma ki Hrvatija si ikalde ko angleder bilache gndina chivde bashi olengje tari rig e javerengiri thaj ki diskriminacija. Odoleske si popharo te arakhen buti.

Sekova dive e Romengoro ki Hrvatija si isto. Numa na salde ki Hrvatija, numa ki sasti Evropa. Sakana marenape mujal i diskriminacija, thaj marenape basho te achoven dzivde. Dzi kana ka ovel agar basho odova sapana khoni na dela dzevapi.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha