HK: Segregacija ki mashkaruni edukacija basho o sikle tari Romani preperin

HELSINSHKI

Dzi ko Helsinshko komiteti basho manushikane nijamija resle nekozom dzivakerina basho navodno ikljoviba e segregacijakoro ko sikle tari Romani etnikani preperin ko mashkaruni siklana “Arseni Jovkov” ko skopje. Anaveja, dzi ko Komiteti irangjepe o sikavutne taro amalipa e dizutnengoro IRIZ, sikavibaja o problemi koleja so o Romane sikle ki mashkaruni siklana arakhenape bershencar, t.e. olengiri segregacija ko palune paralelke ulavde taro o sikle Makedoncija.Taro odola sebepija o duj amaipna dengje prestavke dzi ko Ombudcmani e themakoro kolaja so rodingje I istono chipota te rodadelpe ko nekozom puchina. O puchina legarenape basho o choane koleste so kerenape o paralelke, evidencie basho sakosaskoro numero e siklengoro tari Romani etnikani preprint, dali isi paralelke kerdde jekhutneste taro Roma thaj dali isi shajdipa basho Transfer tari jek ki javer paraleka. Mashkar o javer, palo ikeriba e sostanokoskoro nekozome siklencar tari I anavkerdi siklana, o Hemsinshko Komiteti thaj o amalipa IRIZ ale dzi ko neve dodzandipna kaj ko palune bersha kotor taro o sikle, ko nesave choipte thaj saste paralelke si prechudime ki nevi pravdi mashkaruni siklana ki kupatni Shuto Orizari, “Shaip Jusuf”, so si panda pobaro piro dzi ki sakosaskiri segregacija akale siklengiri thaj anglederanela basho bajrovipa e heminengoro mashkar o etnikane jekhina thaj basho tikanriba e kvaliteteskoro ki edukacija e Romengiri. Thaj akavada puchiba sine chivdo sar kotor taro o puchina ki prestavka dendi dzi ko Ombudcmani.
O Ombudcmani keribaja piri savala pali I lendi prestavka, ko drom e rodarinakoro e sikavinengoro sikavde ki prestavka basho zojrakeriba e chipotakoro, prekal pire sikavutne kerdgja vizita ki mashkaruni siklana “Arseni Jovkov” thaj mi mashkaruni siklana “Shaip Jusuf”. Tari vizita e Ombudcmaneskiri zojrakergjape kaj ki mashkaruni siklana “Arseni Jovkov” nane paluno akti basho keriba e paralelkengoro thaj kaj o sikle raspporedinenape uprel funda e rodarinengoro e siklengoro thaj olengere zarurina. Biachovibaskoro si kaj trujal o bersha o numero e siklengoro tari Romani etnikani jekhn tiknargjape, so lungo kerelape bash sebepi olengoro hramoviba ki nevi pravdi siklana “Shaip Jusuf”.

Tari kerdi vizita e Ombudcmaneskiri nane konstatirimo segregacija odoleske soske ko pobuter paralelke sine hramomo Roma, akoda na sine dikhlo shukar olengoro numero odoleske soske taro o sodzandipna ko kotor taro paralelke isi po jek dzi ko duj sikle tari Romani etnikani preperin, a kotor taro o paralelke si kerde iskluchitelno taro Roma. Tari javer rig o Ombudcmani konstatiringja kaj palo prajbe e siklanakoro “Shaip Jusuf” biachovibaskoro si kaj o sikle Roma hramonenape ki akaja siklana, so ko lungo drom shaj negativno te sikavelpe ki olengiri integracija ko jek multikulturakoro sasuitnipa. I asavki praktija spremal o Ombudcmani shaj te anel dzi ko garavde dikhina e segregacijakere thaj diskrmiinacijakere e preperutnenge tari Romani jekhin.
Odoleske o Helsinshko Komiteti dela angledervakerina dzi ko Ministeriumi bashi edukacija thaj nauka thaj dzi ko javera nadlezna institutice ko kotor e edukacijakoro te prelen napija thaj aktivitetija te shaj te sikavlpe ko shajdipnaskere problemija e odliveja t.e. e hramovibaja e Romne siklengoro salde ki jek siklana.

You may also like...

Sorry - Comments are closed