HK: Mashkardijaneskoro dive e Romengoro, thaj poodori arakhenape jek kupa problemencar

HK

Nishanikeribaja o Mashkardzijaneskoro dive e Romengoro, o Helsinshko komiteti basho manushikane nijamija potencirinela kaj dzala thaj poozori I zarurin basho poodorigaskiri ikerin e Romengje ko olengoro sekolediveskoro mariba e socijalno thaj ekonomijakere problemencar kolencar so arakhenape, a o Roma sar integralno kotor taro makedonijakoro sasuitnipa kamlape te oven jekajeknijameskere dizutne kola so uzivinena o istono nijamija e javere dizutnencar.

– Bi mangaja ko ruhi e nishanikeribaskoro akale diveskoro, te sikava amari gajla basho o statusi e Romengiri ki rashtra thaj olengiri dzajbepoodorigaskiri sistematikani diskriminacija thaj getoizacija.

Paluneste sijam ki gajla basho o hemneve planija kola so kerenape ki Romani kupatni Shuto Orizari, mashkar kolende si I nevipravdi mashkaruni siklana Shaip Jusuf, kote so dzana thaj poodori te ulavenpe saste Romane paralelke taro javera mashkarune siklane ko Skopje.

Poodori I havlarin basho keriba bazenti ki istono kupatni thaj chijbe ko jek than pobuter taro 6 mile evroja basho oleskoro keriba, mujal o nanipa funkcionalno kanalizacijakiri thaj pajneskiri mreza ki kupatni.

O dizutne ki komuna thaj poodori arakhelape problemencar ko avipa dzi ko kvalitetno, avipaskoro thaj ko vakteskiri sastiapskiri arakhin, thaj nanelen ni avipa dzi ko matichno ginekologo, vakerela ko havlariba taro HK.

Odothare potencirinena kaj o chave Roma thaj poodori arakhenape sistematikane diskriminacijaja ko edukacijakoro proceso, kola so rasulavenape ko palune paralelke ko nichale siklane, ko than te oven chivde thaj integririme ko nichale paralelke.

O Helsinshko komiteti dzala thaj poodori te kerel buti ki nijamutni ikerin e Romengiri thaj arakhin thaj anglutkeriba olengere nijamengoro thaj rahatlipa.

You may also like...

Sorry - Comments are closed