Helsinshki komitet: Zojrakerdi si direktno diskriminacija upral o Roma ko simantririba olengere avibaskoro dzi ko usluge e bazenteskere “BISER”

ХЕЛСИНШКИ

I komisija basho arakhiba tari diskriminacija ko dive 11.11.2016 bersh angja Gndipa numero 0802-1744/4, koleja so zojrakerelape direktno diskriminacija upral o Roma, kerdi upral funda olengere koloreskoro ki mortik. Kerelape buti bashi chipota kolate so jerilukoske tari Romani etnikani preperin sine lestar simantririmo oleskoro avipa dzi o bazenti “Biser” ki komuna Aerodrom.

Anaveja, ko 20.06.2016 bersh, o dzeno S.H. barabar pire romnaja thaj pire duje chavencar sinelen nashukar dzadnipa ki mangin te aven dzi ko bazenti “Biser”. Ola na sine mukle ko bazenti tari rig e personaleskiri ko bazenti sebepi o kolori ki olengiri martik.

Ko 22.06.2016 bersh, ov palem gelo ko istono bazenti pire jerilukoja. Odova drom, oleskere romnjake thaj oleskere chijake sine lengje muklo te khuven ko bazneti odoleske soske sinelen roshalo teni ki mortik, dzikote e rajoske S.H. thaj oleskere chaveske palem na sine muklo te khuvel ko bazenti tari rig e personaleskoro. Sar sebepi sosoke na mukenalen andre, tari biletara e bazenteskiri sine lengje vakerdo kaj musaj te ovel len propusnice, akoda sa o javera dzene khuvgje ko bazenti bizo propusnice, chijbaja thaj e romnja thaj e chaja taro S.H.

I asavki chipota si hemshukar sikavutno ki negativno praktika e sakanaskere chinajbaskoro e avipaskoro e Romengoro ko baznetija.

Akoda ko sikavgo gndipa e Komisijakoro basho arakhiba tari diskriminacija definirinelape kaj I diskriminacija si upral funda e koloreskiri ki mortik, but drom e Romengje simantririnelape olengoro avipa dzi ko bazentija thaj sebepi olengoro korkorutno preperina ki Romani etnikani jekhin.

I Komisija basho arakhiba tari diskriminacija thaj anglederda akava pire gndipaja isilen vakrdo kaj kerelape direktno diskriminacija kerdi upral o Roma ko olengoro avipa dzi ko bazentija, so panda pbuter dela ko hango I zarurin basho prelejbe e aktivitetengoro tari rig e rastrakere ko drom e vazdibaskoro I gnd ko dizutne thaj phagerdiba olengere negativno fenomenengoro.

Palo lejbe e Gndipaskoro thaj ko dejbe konsilija taro Helsinshko Komiteti, o kurbani Rom sar zijanikerdo halovgjape te rodel thaj adalateskiri arakhin tari diskriminacija.

Mesazi: O Helsinsko komiteti selaminkerela o aniba e Gndipaskoro e Komisijakoro thaj dela akhariba dzi ko olakere dzene ko avutnipa te dzan te keren buti ko akava drom, sar te shaj ko pervazija pire duglipaskere efikasno te arakhen oojekhutneste o nijamija sa e dizutnengoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha