Havlariba Amnesti International 2016/17: Sapanda kerelape diskriminacija upral o Roma ki Makedonija

AMNESTI

Ko kotor basho adalati, o Amnesti dela ko hango kaj o Parlamenti na lela o predlogija basho dzajbe poodori e mandateskoro e SJOskoro basho haloviba e rodarinengoro dzi ko juni.

O Specijalno sasuitnikano doshalkeriba kova so kamlape te rodarel basho hemiba e funkcionerengoro ko skandali e preshunde lafikerinengoro, sar thaj basho hemiba e politicharengoro ko kriminali, dzala thaj poodori te arakhelpe pritisokoja ko keriba piri buti, o rodarina bashi uchi korupcija si namukle te kerenpe sebepi o politikakoro khube ki Makedonija, isi diskriminacija dziko Roma thaj bilache dzvdipaskere shartija, bilache shartija e migrantenge, si o phanlipa e Amnesti Internationaleskoro bashi Makedonija basho 2016/2017 bersh, sikavdo ko hemnevo havlariba bashi I chipota e manushikane nijamengiri.

Ko kotor basho adalatkeriba, o Amnesti dela ko hango kaj o Parlamenti na lelakergja o predlog basho dzajbe poodori e mandateskoro e SJOskoro basho agorkeriba e rodarinakoro dzi ko juni 2017 bersh, sar thaj basho poshukarkeriba e arakhinakoro e garavde svedokongoro kola so si chivde ko rodariba.

Ko kotor basho o Roma, o Amnesti International notirinela diskriminacija e Romengiri ko olengoro mangipa te phejraren pire hemfundavno nijamija thaj shukaripna.

Koa kava hemnevo havlariba sikavelape thaj I reakcija e Evropakere adalateskiri basho o manushikane nijamija kotar so si bishaldo rojbe dzi ki Makedonija basho o tretmani so kerelale upral 53 Roma kola s sine ko takati raselime tari skopjeskiri kupatni Poligon, jali teleder o kale, ko augusto, thaj odova sebepi ola avdive achovena te dzivdinena telal ko shatorija thaj inprovizirime dzivdipaskere thana.

So legarelape dzi ki migrantengiri kriza, sikavelape kaj o nashutne thaj o migrantija tari rig e Makedonijakere rashtrale dzene rutinsko iranenape palal ki Grcija, dzikote okola kola so si zateknime ki phuv, angleder te phandenpe o simantre, si chivde ko na adekvatno ampija thaj lelakeribaskere centrija basho phure thaj rodarutne e azileskere.

You may also like...

Sorry - Comments are closed