Forum teatro “Paramisija taro adzikeribaskoro than” thaj diskusija basho Dive e Romengoro

PRIKAZNA CEKALNA

O biradjakere organizacie HERA, KHAM thaj Sonce organizirinena agorkeribaskiri chipota ko pervazija e proekteskoro “Neve mediumija basho neve narativija basho o Roma ko sastipa” thaj nishanikeriba o 8to april – Mashkardzijaneskoro dive e Romengoro. I fundavno resarin e proekteskiri, kova so si finansirimo thaj dendo ikerin tari Fondacija Pravdo sasuitnipa – Makedonija, si obezbediba polokho thaj pokvalitetno avipa dzi ko sastipaskere usluge basho pacientija Roma.

Anaveja, I chipota taro 12 o ari ki peste ka ovel la premiereno sikaviba e forum teatareskoro “Paramis taro adzikeribaskoro than”. Palo odova taro 13 o ari – ka sikavelpe tikne videa kola so si butikrde ko thavdipa e proekteskoro, a palo odova ko 14 o ari ka keren piro lafikeriba o profesori saslarutno Elena Kosevska, specijalisti pali socijalno medicina, Ljatifa Shikovska, aktivisti thaj Marija Stefanova, psihologo.

Ki chipota ka ovel chivdi kutija basho donacie kote so ka shaj te donirinenpe finansisko srestvija dende basho o aktivitetija ko Diveskoro centro basho chave taro droma, Shuto Orizari, kolengere so thana dzi ko temelija thabile ki bari jag koja so iklili ko 1to mart.

Agorutni chipota ka kerelpe ko 8to april taro 12 o ari ko Ternengoro Kulturno Centro – ki hala Frosina. O sikavina taro forum teatro “Paramis taro adzikeribaskoro than” ka ovel len panda duj khelina – ko 9to april shurakeribaja taro 19 o ari ko NU Centro bashi kultura “Nikola Jankov Vapcarov” ko Delcchevo, thaj 10to april shurakeribaja taro 19 o ari ko Tetovo. O khujbe si bizolove.

You may also like...

Sorry - Comments are closed