Evropakoro Konsili: O Evropakere phuvja kamlape te chinaven te palden e Romen!!!

SOVET NA EVROPA

But baro numero taro Roma dzana thaj poodori te arakhenpe seriozno formencar e diskriminacijakere thaj phagerdiba e nijamengoro tari rig e legarinengiri ko nacionalno thaj ko lokalno nivelo, vakerena avdive taro Evropakoro Konsili ko piro hemnevo havlariba.

Potamameste, o ko takate kerde paldina e Romengjere ki Evropa dzana thaj poodori te kerenpe, bizo te len soodvetno napija kolenar so ka obezbedinen lengje javer than dzivdipaske, so sikavelape sar praktika koja so phagerela i mashkardizaneskiri phandin e phuvjengiri dzejna basho arakhiba e manushikane nijamengoro.

Sa akala lafija avdive vakergjalen o komesari basho manushikane hakija ko Konsili e Evropakoro o Nils Muiznieks, thaj bishalgja pismija palo akava problemi dzi ko legarina tari Albanija, Bugarija, Francija, Ungarija, Italija, Srbija thaj Shvedija.

– O paldime Roma taro pire khera but drom agorkerena bizo anglutne vakrina e ratvarde familijengje kote ka dzivdinen palo olengoro paldiba thaj paldenape basho but tikno vakti, dzikote ko istono vakti but drom na delape lengje soodvetno halojbe olengere khereskere puchibaskoro.

Akaja chipota kerelape te ovel panda pobari i ratvarin e Romane jerilukongiri, panda pobuter chinavelalen taro olengoro socijalno lejbe than thaj anela karanluko ko avutnipa e Romane chavorengoro te shaj nichale te vizitkeren siklane.

Odova sebepi, o phuvja kola so lena than ki Evropakiri Unija musaj te sajdinen o phandina dzi ko sajdiba e manushikane nijamengoro. Ola musaj te chinaven pire nashukar praktikencar t.e. e paldibaja e Romengoro taro olengere kupatna thaj kamlape pobuter te keren buti te shaj te arakhen sakanaskere halovina basho shukar integririba e Romane jerilukongoro ko olengoro sasuitnipa ko sa o svere e dzivdipaskere, dengja ko hango thaj rodingja taro Evropakere phuvja o Muiznieks.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha