ERRC: I diz Pariz ko sig vakti te chinavel ko te paldel e Romen taro olengere kupatna

ERRC

O divesa sa o bare sumnaleskere mediumija vakerena kaj trujal 400 Roma sine kotakati paldime taro piro naformalno kampi kova so arakhlovela trujal jek premukli sastrnali linija ko severno kotor e dizjakoro Pariz. I djandarmerija shurakergja te paldel e Romen angleder nekozom divesa thaj odova ko javinakere sabajeskere arija, a alternativno than basho dzivdipa obezbednigje salde basho buti tikno numero taro o Romane familije kola so sine anavkerde basho itrno chipote.

O pobarok otor taro o paldime Roma akana achile telal ki pravdi havaja ko akala evendaskere vakti. But olendar sic have thaj manusha kola so cidena taro nasvalipa thaj akana ola si mukle bizo chatija upral o shero ko akava shudripa. O Roma sine paldime taro o hembaro Romane kampi ki diz Pariz, bizo te dikhelpe kaj o Roma angleder jek kurko te peraven olengoro kampi protestiringje.

O paldiba kamlape te ovel dikhlo alternativno solucijaja thaj socijalno arka basho o ratvarde dene, kola so achile bizo pire khera, sar so si thaj zojrakerdo ko francijakere radjakere dokumentija taro 2012 bersh.

Angleder o paldiba, o Komiteti basho cidiba e rasko diskriminacijakoro, o Komiteti e Pashakerde djianengoro basho manushikane nijamija, sar thaj o Konsili e Evropakere komesarijateskoro basho manushikane nijamija ko pravdo chane adalatkerdi o asavko legariba e Francijakere legarinengoro dzi ko Roma.

Akava bersh thaj o Evropakoro Romano Resursno Centro tari Bidumpeshta, isto agaar, barabar e Ligaja basho manushikane hakija zojrakergje pire stavija te shaj te suspendirinelpe o sistemi e padibaskoro, angleder te peravelpe o kampi te obezbedinenpe penge alternativno thana e dizvipaske sar thaj te obezbedinelpe socijalno sanacija e chorole kotorengoro, thaj te implementirinenpe halovina bashi integracija e Romane familijengiri.

Ola palem dena apel telal ko sig vakti o Francijakere legarina te chinaven e paldibaja e Romengoro, kova so paldiba spremal lende si bizo kanuneskoro. O dikhlariba akale politikengoro kamlape te organizirinelpe ko pervazija e isijbaskere lafikeribaskoro mashkar o lokalno, o regionalno thaj o nacionalno legarina, mashkar o sasuitnikane akterija thaj o lokalno amaliptna kola so si aktivna ko teren.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha