E tikne Romane chaja Nikol Bar sarine cidingjela ki rig, a isila pobaro IQ taro Ajnshtajn !

СЛИКА

I Nikol Var isila salde 13 bersha thaj dzivdinela ko phare dzivdipaskere shartija. I Tikni Romani chaj phirela taro jek dzi ko javer than thaj edvaj dzala ki siklana.

But dzene bi ikalenala sine taro spisako te na ovel sine jek jazijakoro dive bashi lake. Sa iklilo sluchajno ki siklana Eseks ki Bari Britanija, kote so I chaj deluinela sine bizo nisavo intereso basho sa o bukja trujal peste. Sapanda, olakere sikle nishanikergje kaj si talentirimi.

Dengjela te polozinel testi thaj arakhle kaj isila basho IQ ki peste sar so ki peste sinelen o duj generacije Albert Ajnshtajn thaj Stiven Hoking.

Usvari, o nauchnikija zojrakergje kaj perela ki kupa taro 1% taro o hemintelektualno manusha ki planeta phuv. Olakoro koeficienti e intelegencijakoro si 162, basho duj poenija pobaro tari okoja e Ajnshtajneskiri.

– Olakiri intelegencija taro siakana sine dikhibaskiri. Halovela sine matematikakere savale kana sinela duj bersha. Oj vezbinela matematika thaj mangle te gluminel, a ko rahatlimo vakti sikljovela kineski, vakerela olakiri daj.

E Romane chajakoro dat Dzejms isile 36 bersha thaj kerela buti sar kosutno thaj zanaetchija. Ov vakerela kaj I tikni Romani chaj si chachikano baripe bashi I Romani jekhin.

– Sarine ki jekhin sijam barikane upral I Nikol, vakerela olakoro dar.

I chaj kolate so khoni na pakjandile, akana lela akhariba taro Oksford. Vakerela kaj mangela te studirinel medicina. Jek prosekoskoro manush isile IQ 100, a sekoja cifra taro prekal 140 esapinkerelape basho genijalnost.

You may also like...

Sorry - Comments are closed