Dzandarmerijakoro dzeno taro Aleksinac, divencar siluinela thaj muchinela jekhe Romane dzuvlja !!!

SILUVANA

O Dzandarmerijakoro dzen taro Aleksinac, Srbija Zoran.C.- 44 bershengoro, si doshalkerdo kaj 5 divesa ikergja ki peste thaj siluingja e 46 bershengere Romane dzuvlja Z.R. taro Prchilovci kolaja so sine ki mangipaskiri phandin.

Palo arakhiba e chipotakoro I chipota ka ovel halovde prekal adalateskoro procesi ki diz Nish, numa k starti e adalateskere proceseskoro o dzandarmerijakoro dzeno negirinela kaj kergja asavko kotor.

Ov sakoas chudingja o doshalkerina kola so chivena leske pharipa kaj khelgjapeske upral o badani e Romane dzuvljakoro Z.R. ko piro vrdon thaj piro stain, thaj bizo achojbe zojrakerela sine kaj mashkar olende e dujende nane khanchi.

I zijanikerdi Romani dzuvli na smejnela sine te del otpor dzandibaja kaj o doshalkerdo dzandarmerijakoro dzeno isile revolveri, numa oj salde molinela le sine te mukel la te dzal peske khere kote so isila duj tiknebershengere chave.

Agaar ko 30 to oktomvri o nakhlo bersh trujal 6 o ari thaj 30 dakikija muklala te ikljovel taro oleskoro stani thaj khujbajala tepnencar thaj boksencar ko badani paldingjala avrial, a oj molinelale sine te na khuvel la thaj te na kerel lake fizichko atako, tergjovela ko havlariba.

Ko agor astargjala taro sheja thaj chudingjala taro stani e lafencar: “Nash avrial” kana palo odova I Z.R. geli peske khere.

Kana o doshalkerdo Zoran.C. angjele ko adalati oj basho hari na phagili ko ekvash tari leskiri dark o hodniko. Rovela sine, thaj kana o doshalkerutno alo shurakergja sakosa te tinanel tari dar.

Tari sa akaja tragichno thaj gromorozno paramis phandelape kaj o Zoran si doshalkerdo basho phagerdipaskoro kotor siluiba thaj bizonijameskoro cidiba taro rahatluko. Ko istono vakti teretinelape thaj basho o bikanuneskoro isijba 154 kurshumija kola so sine arakhle ko oleskoro stani basho vakti oleskere apsibaskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha