Dzandarmerijakoro atako pural I Romani kupatni ki Slovakija: Ratvarde si chave thaj phure dzene !

POLICIJA SLOVAKIA

O Evropakoro Centro basho Nijamija e Romengere ERRC, lele video sikavin taro dzandarmerijakere dzene kola so atakuinena Roma palo olengoro sluchajno alosarina palo drom Zborov, ki Slovakija. I Dzandarmerija khuvgja ki Romani kupatni Zborov ko 16to April thaj shurakergja diskriminiribajalen te parel e Romen, chijbaja thaj chave thaj phure dzene.

Trin dzene sinelen zarurin tari medicinakiri arka: 5 bershengoro chavo, manush ko 40 bersh ileskere nasvalipaja thaj phuri dzuvli invaliditeja.

O ERRC sikavela kaj I sig arka sine ko odola dakikija achavdi te khuvel ki kupatni tari rig e dzandarmerijakere dzenengoro palo o akhariba dzi olende te sikaven arka basho ratvarde Roma.O svedokija kola so snimingje I chipota sine vizitkerde tari dzandarmerija o taisutno dive thaj sine lengje vakerdo te kosen sa o snimke taro atako.

Jek taro svedokija kova so sikavgja akala snimke namangla te ovel darakerdo tari dzandarmerija thaj vakergja : – Odova so snimingjumle ki chipota ko sasuitnikano than, pa soske me odova te kosavle?.

I dzandarmerija resla ko korkori than sar so angleder sine akhardi tari rig e Romengiri sebepi so iklilo jek mariba mashkar o Roma ki akaja Romani kupatni.

Olengoro reagiriba sine te khuvelpe anrde pendrakoncar, te kerelpe terori upral o dizutne prekal mariba e Romen ko droma, thaj odova mariba upral mursha, dzuvlja, phure thaj chave.

Jek taro o Romane dizutne tari I kupatni kova so nashla taro atako vakerela: – Sa o Roma kola so sine avrial molingjelen te achoven e maribaja, numa ola nisar na achile thaj dzi ko agor gele te maren e Romen.

O Ministeri basho andrune bukja, o Robert Kalinak, havlargja planija kote so planirinelape te bajrarelpe o numero taro dzandarmerijakere dzene ko komune trujal I Slovakija kote so dzivdinena pobaro kotor taro o Roma.

– Ako asavki dzandarmerija kerela patrole palo droma, tegani dali si bezbedno te bajrarelpe o numero e asavke dzandarmerijakere dzenengoro trujal o droma e Romane kupatnengere, puchena taro ERRC.

– Tegani na mangaja pobuter dzandarmerijakere dzene kolengiri so dzandarmerijakiri resarin sit e kerelpe brutalnost upral akava minioriteti ki akaja lokacija, vakerela o prezidenti taro ERRC o Dzordze Jovanovich.

You may also like...

Sorry - Comments are closed