Dzala thaj poodori te kerelpe o proekti basho keriba socijalno stanija – ki lista sapanda nane i komuna Shuto Orizari

stanovi

I radza e R.Makedonijakiri prekal o Akcionersko amalipa basho keriba dzivdipaskere thana dzala thaj poodori te kerel o proekti basho keriba stanija basho o dzene ko socijalno riziko thaj ravale kategorije dizutne, kote so jek taro o kategorije si direktno o Roma. Ko pervazija akale proekteskere ko vakti taro 2007-2015 bersh si kerde 678 stanija ko 13 dizja ki rashtra, numa odova so si heminteresno si, akoda o Roma taro Shuto Orizari rodena te kerelpe ki olengiri da komuna jek socijalno zgrada, akaja komuna sapanda nane ki ni jek adzikeriabskiri lista kaj ki oalateda ka kerelpe jek socijalno zgrada.

Jekajek e proegramaja basho akava proekti, ako ki komuna Shuto Orizari sapanda na gndinelape te kerelpe socijalno zgrada, tari javer rig, veke si ko thavdipa te kerelpe socijalno zgrada koja so ka ovel la 43 stanija ki diz Kochani thaj 10 ko Makedonijakoro Brodi, a ko sig vakti ka shurakerelpe te kerelpe thaj zgrada ko Gostivar kote so si anglederdikhlo te oven kerde 70 stanija basho socijalno zagrozime dizutne, chivindor thaj e Romen sar jek taro o direktno kulanduvachija akale napeskoro.

Jekajek e keribaja e stanengoro ko akala trin komune, jekajek e zojrakerde planeja ko thavdipa akale bersheskoro si planirime te shurakerenpe tenderengere postapke basho te kerenpe neve 4 objektija ko vene 4 dizja e themakere kola so ki olende ka kerenpe sakosa 175 stanija, numa rojbaskoro si o sikaviba so thaj akavada drom ki odoja lista e komunengiri so ki olende ka kerenpe o socijalno stanija, sapanda na arakhlola i komuna Shuto Orizari, a akoda spremal naofocialno numerija ki akaja komuna dzivdinena pobuter tato 80% socijalno zagrozime jerilukija.

Thaj ko than tari komuna Shuto Orizari, o bersh socijalno stanija ka kerenpe ko: Pehchevo – 34 stanija, Vinica – 39 stanija, Sveti Nikole – 54 stanija thaj Probishitp – 48 stanija.

O bukjarne aktivitetija basho keriba kotor taro akala zgrade ka shurakeren ki dujto ekvashin taro 2016 bersh, a kotor ka shurakeren ko 2017 bersh.
Daja haberi dzi ko Roma kaj nijami te len akala socijalno stanij isilen o dzene: chave dzi ko 18 bersha bizo jerije, dzene so lena socijalno jali sakanaskiri arka, thaj panda javera mashkar kolende si thaj direktno chivde thaj o Roma, numa kozom ola si alosarde thaj ka oven alosarde te len odola socijalno stanija achovela te dikhelpe.

O 2016to dzi ko 2017 bersh i komuna Shuto Orizari sigurno si kaj achovela sar komuna kolate so nane ni ki gnd te kerelpe socijalno zgrada.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha