Dujto konkursi basho ulavibe stipendie basho nichale studentija Roma kola so si hramome ko dzidiplomiribaskere studie !!!

мон

Upral o shero 55 thaj stavi 1 taro Kanuni bashi organizacija thaj buti e badanengiri e rashtrakere legarunengoro thaj o Halojbe basho rashramoviba e Konkurseskoro basho ulaviba e stipendiengoro e nichale studentengoro Roma hramome ko dzidiplomiribaskere studie taro avgo ciklusi e sasuitnikane thaj e nijamutne univerzitetengere thaj ucheedukacijakere ustanove ki R.Makedonija basho studiribaskoro 2016/2017 bersh, o Ministeriumi bashi edukacija thaj nauka, rashramovinela dujto akhariba basho ulaviba e stipendiengoro ko nichale studentija Roma hramome ko dzidiplomiribaskere studie basho avgo ciklusi ko sasuitnikane thaj privatna univerzitetija thaj ucheedukacijakere ustanove ki R.Makedonija basho studiribaskoro 2016/2017 bersh.

O ministeriumi bashi edukacija thaj nauka basho studiribaskoro 2016/2017 bersh e dujto konkurseja ka ulavel 26 stipendie.

O stipendie basho studentija Roma ka ulavenpe ko akava chane:
1. 13 stipendie basho studentija kola so si hramome ko avgo bersh e studiengoro,
2. 13 sripendie basho o studentija Roma kola so si hramome ko javera studiribaskere bersha.

Nijami te len o stipendie isilen o nichale studentija hramome ko dzidiplomiribaskere studie taro avgo ciklusi kola so studirinena ko sasuitnikane thaj nijamutne univerzitetija thaj ucheedukacijakere ustanove ki R.Makedonija thaj kola so phejrarena o avutne shartija:
1. Te oven preperutne e Romane etnikane jekhinakere,
2. Te oven rashtrale dzene e R.Makedonijakere,
3. Te na oven kulanduvachija stipendiengoro taro javera ustanove, institucie jali kompanie.

O uchipa e stipendijakoro, daja haberi e Romane studenten, ka legarel 5 mile denarija ko chon basho 9 chona ko thavdipa jekhe studiribaskere bersheskoro.

O kandidatija kola so si prijavime ko Dujto Konkursi, kamlape dzi ko Ministeriumi bashi edukacija than nauka- ki Legarin basho bajrovipa thaj anglutkeriba e edukacijakoro e chibjengoro e preperutnengoro ko jekhina, ko drom Sv.Kiril thaj Metodij nu.54 – Skopje, hemgechi dzi ko 07.03.2017 bersh te den o dokumentija kola so shaj te arakhenlen ki web rig e ministeriumeskiri bashi edukacija thaj nauka.

Daja haberi e Romane studenten kaj o nakovakteskere thaj o nasakosaskere dokumentacije nane te dzan ko dikhlariba ko procesi thaj o istona nane te khuven ki konkurencija e javerencar kola so prijavingjepe ko konkursi.

Panda jek drom, daja haberi e Romane studenten kaj o agorutno rook basho apliciriba basho stipendie si dzi ko 07to mart 2017 bersh.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha