DSR: Rodaja thaj I Romanida chip ki Makedonija te ovel oficialno !!!

ДСР

I Romani chip te ovel anavkerdi bashi oficialno ki R.Makedonija, rodingje taro “Demokratikane takatija e Romengjere” Romani politikakiri partija ki phuv.

Spremal ako I albanijakiri chip shaj te ovel anavkerdi bashi oficialno, o istono kamlape te kerelpe thaj e Romane chibjaja, odoleske soske o Romano minioriteti si dujto palo baripe palo albanijakoro.

O legarutno e partijakoro Shaban Saliu vakerela kaj I Romani jekhin si achimi bizo lafija taro o legariba e mashkardzijaneskere jekhinakoro, ko ulavde ambasade thaj biradjakere organizacije, kola so favorizirinena ulavde etnikuimija ki phuv thaj sar diskriminirinena e javeren.

Ov sinele ko anglederdikhiba o favoriziriba e albanijakere minioriteteskoro. Spremal leste I R.Makedonija si rashtra e Makedoncengiri, Albancija, Roma thaj sa e javere etnikane jekhinengiri, a olakoro unitarnost kamlape te sajdinelpe, ki te shaj te ovel nijamluko.

O Shaban Salui sikavgja piro gndipa, sar so o legarutno e SDSMeskoro Zoran Zaev vakergja kaj adzikerela te lel o mandate basho keriba e radjakoro e albanijakere partiencar.

Ola palem ale ko jek hango ko koalicijakoro legariba, palo o dendno lafi kaj odova ka kerelpe I aga vakerdi albanijakiri platforma.

Mujal olate achili I makedonijakiri politikakiri partija VMRO DPMNE, koja so triunfiringja ko alosarina ko 11to demekvri o nakhlo bersh, numa na shajsargja te kerel I radja, odoleske soske “chudingja I albanijakiri platforma”.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha