DS: O SNS bajrarela rasizmo dzi ko Roma ki Srbija

DEMOKRATSKA STRANKA

O komunakoro odbori e Demokratikane Strankakoro DS ki Bachka Palanka – Srbija, doshalkerela e Srbijakere anglutkerde stranka SNS kaj bajrarela resizmo dzi ko Roma ki komshika komuna Bach.

– O sherutne e Mesno jekhinakere Vajska si telal ko pritisok tari lokalno legarin thaj namukle te kerelpe sostanok mashkar o odbornikija taro DS e dizutnencar tari Vajska thaj chinavgje te khuvelpe ki hala ko Mujaljagakoro kher sebepi odova so, sar so vakerelape ko havlariba, sebepi so ko sostanok ale baro numero taro o Roma, vakerelape ko havlariba tari Demokratikani Stranka DS.

Sar so vakerelape, pashe 200 dizutne e Vajskakere ikeregje o sostano e Demokrtaikane Strankaja telal ki pravdi havaja.

– Sebepi i dar kaj ka hasaren o legariba, o SNS ko hemharne potezija chinavgja o nijami e rahatlime lafikeribaskoro thaj o nijami e dikhinakoro e dizutnencar. Ki odoja paranoja na sine ki gnd kaj akale pireja ola diskriminirinena e dizutnen Roma e komunakere, pulisarelape ko havlariba.

I DS dziandinela kaj e Romengje isto agaare na sine lengje muklo te len telal ko zakup i hala a ni i mesno jekhin basho vakti e adzikeribaskoro o Nevo Bersh.

O komunakoro odbori e Demokratikane strankakoro ki Bachka Palanka ko ulavdo havlariba doshalkergja e komunakere legarina kaj shajsargja te hasarel i donacija, koja so sine bari 25 milionija denarija, koja so lelala basho shushakeriba e industrikane zonakoro ko MZ Gojdobra taro budjeti e Vojvodinakoro.

Sebepi sa akala sebepija, o komunakoro odbori e Demokratikane Strankakoro DS ki Bachka Palanka – Srbija, doshalkerela e Srbijakere anglutkerde stranka SNS kaj bajrarela resizmo dzi ko Roma ki komshika komuna Bach.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha