DROM: Sikavde o esapija taro rodariba: ,,Arakhin taro o jekajekvakteskere dikhina e kinobikinibaskoro manushencar,,

drom

O Centro bashi Romani jekhin “DROM” taro Kumanovo, irati, anglo o dizutnikane organizacie, sikavutne taro pobuter rashtrakere thaj lokalno institucie thaj o mediumija prezentiringje o havlariba taro rodariba bashi arakhin e mashkarsiklengiri thaj ratvale kupe taro dizutne, chivnodor thaj e Romen tari jekajekvakteskiri dikhli kinobikin e manushencar.

O rodariba si kerdo ko pervazija e proekteskoro: ,,Arakhin taro o jekajekvakteskere dikhina e kinobikinibaskoro manushencar,, ko pervazija e programakoro akcisko grantija koja so kerelala i Civika Mobilitas, finasirimi tari Shvedijakiri Agencija bashi mashkarbutikerin thaj bajrovipa.

– I resarin e proekteskiri si prekal bajrovipa e gndipaskoro kori o terne dzene thaj ratvarde kategorije te sikavenpe o jekajekvakteskere forme e kinobiinibaskoro manushencar, sar so si i zoreskiri eksploatacija, mangipa devlengje ko takati, andruni kinobikin thaj ko takati keriba bangarde kotora. O proekti kerelape ko duj faze: rodariba thaj edukacija, vakerga i koordinatorka Donka Petrovska. Ko rodariba sine astarde 600 mashkarsikle kolendar so 400 ko Kumanovo thaj 200 ko Gostivar, kote so sine zapazimo o rodovo thaj o etniko mashkarlegariba.

– O rodariba sikavgja kaj baro numero taro mashkarsikle palo agorkeriba e mashkarune siklanakoro planirinena te muken i rashtra. E bajraribaja enumeroskoro taro migracije bajrarelape thaj o metodi e kinobikinibaskoro bashi regurtacija ko pobuter chanija upral o kurbanija agar so o terne ovena potencialno kurbanija e kinobikinibaskoro manushencar, vakerga i Petrovska. Ko dzevapija, o terne, chivindor thaj e Romen, vakergje kaj pakjana e institucienge sar so si i dzandarmerija thaj o Centro basho socijalno bukja. Sar so sikavelape, 92% taro o kumanoveskere mashkarsikle, chivindor ko akava numero thaj e Romen, dengje dzevapi kaj o SVR Kumanovo esapinkerenale sar institucija kolate so isilen i hembari pakiv.

– Ponekana o terne ovena thaj kurbanija sebepi o mangipa. O terne dzanena but kurbanija, kola so sebepi o bilache chivde gndina, ten a oven chudime taro jerije jali tari jekhin, avena dzi ki chipota ten a prijavinen o chipote ko dzevaplime institucie, vakerga i Petrovska.

Inaku, akava proekti trujal o DROM kerelale thaj i Asocijacija bashi demokratikani inicijativa taro Gostivar, a ka kerelpe dzi ko noemvri 2016 bersh.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha