Drabaren o Romano romani “ANANKA” taro avtori Jusuf Sulejman

ANANKA

E Romengje kola so si dzene so mangjena te drabaren romajna taro sa o zanrija, daja jek konsili te dzan ki web rig www.kupikniga.mk, thaj ko on line te kinenpeske o hemnevo Romani numa akava drom Romane tematikaja anavkerdo sar ANANKA, hramomo taro Romano avtori Jusuf Sulejman.

O Romani Ananka, sikavela I Skopjeskiri purani Romani kupatni Topaana koja so ki leste si chachikano mujeskorosikaviba taro kosmopolitizmo, hemiba e nekozome etnikumengoro kola so bershencar napalal ulavena o shukar thaj o bilacho mashkar peste ko pumaro dzivdipa.

O Romani Ananka, phiravela o anav tari jek chaj anaveja Ananka. I Jazija e chajakiri Ananka ko romani sikavalepa kaj si muhurimi olakere sovljaja basho chachikano thaj sakanaskoro mangipa. Oj adzikerela o mariba bizo piro manglo. Ov palem si jugoslavijakere thagareskere maribaskoro zarobimo manush, kova so achovela ko maribaskoro, a palo odova thaj ko pkorkori pire manginakoro robijashluko ki Germanija.

I chaj Ankaka, koja so si o sherutno muj ko isto anavkerdo Romani si jek chutlivo, sabrdzika thaj parne mueskiri chaj, a olakoro mariba delala nishalo takati te dzal thaj te del arka pire unukoske ko Split basho vakti e peribaskoro taro SFRJ. Akava si jek naturakoro thaj jek pojaver romani taro odova so bi adzikerenale.

Daja informacija e drabarutnen kaj akava si Romani basho o roma kola so dzivdinena ki Makedonija, romani kote so sikavelape olengoro dzivdipaskoro muhuri thaj olengoro phanlipa e univerziumeja.

O Romani Ananka, Romane tematikaja, si ikaldo ko but sik vakti akava bersh, 2017 bersh, a o ikalibaskoro kher e romaneskoro si o Antolog. Dzi akana ko internet si dikhlo taro 193 dzene, a ki peste o romani Ananka ikerela 240 riga thaj si hramomo ki Makedonijakiri chip. Sarine so mangjena te drabarenle jali on line te kinenle neka rodenle ki internet rig www.kupikniga.mk.

Ako vakergjam pobuter trujal I ikerin e romaneskiri thaj trujal o informacije nane te ovel interesno thaj nane te mangjen te drabarenle, odoleske mukajatumen ko biadzikeriba thaj mangin basho korkori tumen te roden thaj te drabarenle.

You may also like...

Sorry - Comments are closed