Donirime siklanakere artiklija basho o Romane sikle taro gav Crnik

romi tutori

Ko pervazija e proekteskere “Tutorengiri arka basho o Romane sikle kola so dzana ki fundavno edukacija ki R.M.” irati sine lengje ulavde siklanakere artiklija basho 8 Romane sikle kola so dikhena i Tutorengiri nastava ko gav Crnik, Pehchevo.

Sar so andinela i koordinatorka e proekteskiri i Sara Jasharova tari B.O. KHAM, koja so si partneri ko proekti, taro 23to januari, ulavelape akaja arka, a phandipaja e iratutne akcijaja, ko regioni e Maleshvijakoro thaj Pijanec, rotirinelape akaja doniribaskiri akcija kote so si ulavde sakosa 52 siklanakere artiklija basho sa o sikle kola so vizitkerena i dzipherdi nastava.

– Basho o sikle kola so nichaleste vizitkerena nastava sinelengje ulavde siklanakere artiklija thaj odova ko Delchevo, Pehchvo thaj Berovo thaj avdive ko gav Crnik, vakergja irati i koordinatorka. – I arka sine kerdi ko hemfundavno zarurina e siklengere taro siklanakere artiklija, so, sapanda, ka oven ko kulandipa ko pervazija olengjere edukacijakere cikluseskoro, vakergja i Jasharova.

Inaku, e proekteja bashi tutorija ko edukacijakoro procesi e Romane siklengje ko Delchevo si astarde 20 sikle, isto kozom so si thaj ko berovo, dzikote ko Pehchevo isi 4, a ko pehchevoskoro gav Crnik isi astarde 8 chave. Sa akala sikle dikhena dzipherdi nastava palo predmetija makedonijakiri chip thaj matematika.

– I resarin si o sikle te len pobaro dzandipa palo akala artiklija, te poshukarkeren piro sukcesi, odoleske soske o rodariba sikavela kaj o sikle sikavena ponatakatlime esapija palo akala artiklija. I nastava ikerelape basho o sikle taro Romano nacionaliteti taro 4to, 5to thaj 6to klaso. Bashi odoja resarin angazirime si sikavne tutorija ko sa o komune, vakergja i Jasharova.

O proekti si finansisko dendo arka tao REF – Budimpeshta,kova so ikljovela prekal i Dekada e Romengiri, ko amalipa e Ministeriumeja bashi edukacija thaj nauka, a o proekti si koordinirimo taro Romano Resursno Centro taro Skopje.

I tutorengiri sikavin shurakergja te ikerelpe taro 15to nuemvri o nakhlo bersh, a ka kerelpe dzi ko agor e siklojbaskere bersheskoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha