Divo Romani kupatni ko mashkar e kupatnakoro Kisela Voda

11 ОКТОМВРИ

Palo akala improvizirime sastrnale udara ki kupatni “11to Oktomvri barake”, ki chachikani deponija dzivdinena 20 Romane jerilukija. Bizo elementarno shartija basho dzivdipa, bizo toaletija, pani, struja, ko kartonengere thaj diva khera bajrarena sekova dive pire chaven.

Akate si veke jek bersh, a trujal bashi piri korkorutni bibaht, vakerena kaj si ki gnd kaj smetinena thaj e javere dizutnenge ko trujale khera. Zojrakerena kaj ki kupatni na ale korkori. Tari Gazi Baba kote so dzitegani dzivdinena sine agate dislociringjelen taro Centro basho socijalno bukja. Adzikerena o istono te arakhen lengje halojbe.

– Keraja buti plastikakere shishencar, odova si o dzivdipa amaro e Romengoro. Na rodaja i rashtra te ovel amari sar so odova rodenale o javera. Kamlape te den amen arka. Amengjeda si pharo so keraja melalipa akate, numa so te kera, neka stredinenamen.

O Ljupcho muklja amen akate, vakerela o Dibran Iljmi dizutno e kupatnakoro. O dizutne na Roma akale kupatnakoro vakerena kaj na mangjena te keren diskriminacija dzi ko akala Roma, numa vakerena kaj taro dive ko dive olengoro legariba thaj o chane olengjere dzivdipaskoro smetinelalen thaj keerela lengje sa pobaro problemi.

Smetinelalen odova so sakana tharena gunoja thaj plastika, khuvena lengje ko avlina thaj ko khera, a nekola olendar vakerena o na Roma, si thaj atakuvachija. Numa ola na holanena e Romengje, numa holanena e rashtrake.

– Avena palo amare khera thaj avlina, odova so kerenale nane odoborom inportantno, numa olengere chave dishinena lepako. Ola si bilacho egzampli. Kotor olendar si but drom mate, phirena churikencar, atakuinena. Naneamen sansari.

Amare jerilukija dizvdinena telal ki panika, vakerela I Sanija Burageva, dizutni taro 11to Oktomvri ko barake.

– Isiamen o numero taro vrdon so angjalen akate, sekova kurko avela kamioneja thaj khedela lender o flashe, vakerela thaj o Atans Shteriev, dizutni ki istono kupatni.

Basho o problemi sakana dena alarmi ko nadlezna, numa odothare ni nishani na avela ni hango. Pali sekoja prijava, lena dzevapi kaj kerelape buti ki chipota, thaj agar sasto bersh desinelape napalal.

Keregje zorija o alarmi te vazdenle thaj prekal blokiriba e bulevareskoro Boris Trajkovski, numa halojbe sa panda nane. O dzevapi taro Ministeriumi basho trud thaj socijalno politika si rodimo, numa dzi ko akala dakikija na lenape nisave informacije.

You may also like...

Sorry - Comments are closed