Chorgjape o “MESINGO” taro limori e Shaban Bahramovikeoro, o chor si astardo !!!

S.BAJRAMOVIC

I nishko dzandarmerija astargja e 37 bershengere dzene B.N. taro Nish sebepi so sumninenape kaj ov ko Neve limorija chorgja o artiklija taro mesingo thaj o momolja kolengoro so barvalipa pulisarelape kaj si trujal 11 mile evroja. Sar so naoficialno dodjajnelape, o dzeno kova so kergja o choriba, si o isto dzeno kova so chorgja ko jek thaj o mesingoskere kugle taro limori e muzikakere legendakoro Romane avipaja Shaban Bajramovik.

O sumliba si kaj o dzno V.N., kova so hembutpakjalape chorgja thaj ko limori taro Shaban Bajramovik, taro aufusto 2016 dzi ko mart 2017 bersh taro 60 gndimale bara thaj parunibaskere thana chorgja pobuter vazne taro mezingo thaj momolja kola so palo odova bikhinelalen sine trujal o otpadija ko Nish. Kotor taro o chorde artiklija I dzandarmerija arakhlalen, numa na dzanelape dali odola kotora si taro limori taro Shaban Bajramovik.

Ova kana tovarinelape basho phagerdipaskere kotora choriba thaj pharo choriba, thaj odoleske o V.N., o chor so taro Shaban Bajramovikeskoro limori chorgja lestar o mesingoskere vazne, si leske ando napi pritvor taro 48 arija kote so palo odova trjal I phagerdipaskiri prijava ka ovel lengardo thaj dzi ko Fundavno sasuitnikano doshalkeriba ki Nish, vakerelape ko havlariba tari I nisheskiri dzandarmerija.

You may also like...

Sorry - Comments are closed