Bugarijakoro MTSP : Upreder taro 90% taro o Roma ki Bugarija si bizo buti

БУГАРИЈА

Oficialno I Bugarija si kher basho trujal 370.000 Roma. Numa, o biradjakere organizacie esapinkerena kaj akava si buti potikno numro taro o chachikano, koleske so ola vakerena kaj si trujal 800.000 jali 10% taro o sakosaskoro dizuitnipa.

Avibaja te dzivdinen ko chorole thaj prenaselime kotora, ola kergjepe ko jek virtualno getija. Trujal 54% taro o Roma akana dzivdinena ko akala mahale kola so anavkerenape sar getija e Romengere ki bugarija. Trujal trin chetvrtine nikana na mukle odola kupatna sar so bijandile.

O oddelenie bashi integracija e Romengiri pri o Ministeriumi basho trud thaj socijalno politika, si ko jek hango kaj I phuv arakhelape problemeja e phare ekonomijakere segregacijaja. Upreder taro 90% taro o Roma ki Bugarija si bizo buti.

Akate, numa thaj ko javerada phuvja dzejna, but rovena so na kulandingje o shajsarina so sine lengje dende basho vakti e anglederlelakeribaskere fazakoro ki EU ki te shaj te bajraren piro avipa basho te shaj te dejstvuinen.

Thaj dzikote o Brisel vakerela kaj I Romani integracija achovela prioriteti ki Bugarija, Romanija thaj ko sasto bloko, but hari dzene pakjana kaj salde e ko vasteskere fondencar ka shaj te cidenpe o achovina basho mobilnost e minioritetengoro. I Romani jekhin ko balkaneskere phuvja kola so adzikerena ki pakiv kaj ko sig vakti ka len than ki EU ikalela pojavera dikhina.

O scene taro Romane getija ki Bugarija, pherde ko baro chorolipa thaj bibukjardarnipa kova so resela dzi ko 90%, kola so dikhovena sar te phene si tari phuv taro Trito zamani hembut gndinelape kaj si ola adalatkerde te achoven sar kotor taro evropakere pejsazeskoro ko avutne bersha.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha