Bugarijakere Roma: Taisa shurakerela o Kurko e bojrengoro 2016 bersh

PAZAR ZA NEVESTI

Pakjana jali na, taisa ki Bugarija shurakerela o kurko basho bojra kova so arakhenale o Roma. Ov ikerelape 4drom ko bersh, a o bersh startuinela taro taisa, thaj tegani o terne Roma khedenape ko agarvakerdo “Saemi basho terne” kova so ikerelape ko pravdo ki diz Purani Zagora ki Bugarija.

Akava hadeti e Romengoro ikerelape veke pobuter decenie napalal thaj ki oleste o jerije e murshe chavengere dikhena shajdipe te shaj te arakhen shukar bori, a palem o jerije e chajakere kerena zorija te shaj uzal o prandipa pe chajakoro te ikalen po disavo dinari, hramonena o Bugarijakere patrina.

Ko kurko e ternengoro lena than jerije tari Purani Zagora, kote so dzivdinena trujal 18 mile Roma. Ola si pendzarde sar Kalaidzi thaj tradicionalno zarabotinena basho o dzivdipa taro khediba vakri. Ola si pravoslavna Roma, kola so but drom ko 15 bershengoro baripe ikalena e chajen taro siklane, te shaj te cidenlen taro o iskushenija e murshengere.

Ko akava pravdo kurko ki Purani Zagora o chaja avena ko piro hemshukar izdanie, but shminkime, nekana thaj prebut, ko neve sheja.

Ko kurko khelena ki tradicionalno Romani muzika, numa sem shukar kheliba thaj amalipa, o sherutne resarina sapanda si te arakhen perspektivno roma, kolengere so jerije shaj te pukinen olengoro mirazi thaj odova taro nekozom mile evroja.

Nekana i hemeftino terni bori sine trujal 2.500 evroja, dzikote avdive i moldija si buti poharni sebepi i bilachi finansisko chipota thaj o bibukjardarnipa e Romengoro ki Bugarija.

Pa…. Koj nanele romni neka dzan ko akava Saemi e Bojrengoro ki Purani Zagora – Bugarija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha