Biznismenija trujal o more molinena e Romen te keren lengje buti basho 700 levija plus pursako bizolovengoro sojbe thaj hajbe

бугарија

700 chista levija plus pursako, bizolovengoro sojbe thaj hajbe. Agaar shurakerena o lafikerina e nicheskere kandidateja basho kenleri ko tikno hotel – restorani 3 cherejna ko Chernomorec.

Kandidati si sharteja vakerto, odoleske soske kandidatija nane!

O lafikerina legarenape Romencar taro pashutne gaca ki kupatni Sozopol, kova so o sahibija e turistikane objekteskoro phirela trujal duj kurke, te shaj te khedel personali kova so kamlape te kerel buti taro 1to juni dzi ko 30to septemvri, hramovena o odorigaskere mediumija.

Mangena te keren buti iskluchitelno Bugarija parne mortikanija. Numa jekhutneste asavke bukjarne nane! Odoleske akava biznismeni nane o jekhuhtno kova so molinela e Romen taro hava taro andrunipa te aven thaj te den arka e chipotake.

Te kerelpe buti ko asavke thana tari jave rig, spremal o T.M. si pharo. O manush vakerela pobuter detalija trujal o horori, koleja so arakhenape oleskere kolege, hazrkeribaja o objekti basho nilaj.

O avgo avtobusija organizirinenape taro stranso turistija vepe palo hotelija ko Sonchev Breg, Pomorie, Sozopol. I chipota e personaleja sapanda trujal sekote si nashukar.

O ustanove bashi buti sapanda nane pravde. O problemija sis a pobare e guvernegerengere ki ustanova ko akala duj decizijakere kurke dzi ko 24to maj, akoda isi ko angleedrdikhiba kaj 700 levija denape tujal jek bukjarno dzeno kova so kamlape te kerel thaj phanlolafi basho bukjardarnipa thaj te pukinenpe leskere pridonesija, odoleske soske khoni na dzala ki dart e chivel ki buti dzene ko kalo.

Sekova Kandidati kelneri, sapanda na mangjela te figuririnel leskoro anav anglo o kontrolna badanija thaj insistirinela, ako shurakerela te kerel buti, te lel plata ko vas thaj te servirinel nalegalno, so sikavelape sar panda jek problemi e dzenengje so kerena o biznis.

O sebepi so o Roma rodena diso asavko si ednostavno , ov si registririmo ko Biro basho zori thaj mangjela thaj poodori te lel peske socijalno arka.

Pobuter Roma isilen diplome bashi fundavno edukacija, numa ola ni na dzanena te hramonen. Thaj odova si jek bari ikljovin ko bukjarnengoro personaleskoro.

You may also like...

Sorry - Comments are closed