BiH: Ka ulavenpe stipendie basho o Romane sikle taro mashkarune siklane

STIPENDII

Sa o Romane sikle taro mashkarune siklane e teritorijakere Tuzlanski kanton ka ovel lengje obezbedime choneskere stipendie ko uchipa taro 40 evroja.

Trujal odova o sikle ka ovel len ko raspolagajne thaj mentorija thaj tutorija kola so ka den arka e Romane mashkarsiklen ko olengere dzipherde edukacijakere arija.

O stipendie ka ulavenpe basho o sikle Roma kola so nichaleste vizitkeren trun thaj chtar bershengoro mashkaruno educiriba ko avutno edukacijakoro bersh.

– Pashe 50% taro o sikle taro Romano nacionaliteti mukena I edukacija, dzikote o nakhlo bersh odova procenti tiknargjamle ko 10%. Shaj te vakera kaj 51 sikle agorkergje o siklojbaskoro bersh thaj gele ko javer bersh, a taro odola 13 sikle thaj diplomiringje, so disa asavko avgo drom desingjape ko akava Tuzlansko kantoni, vakerela o Nedzat Jusik, taro amalipa Euro Rom, Tuzla.

O proekti si finansirimo taro Romano edukativno fondi, a kerelale o Romano amalipa Euro Rom.

You may also like...

Sorry - Comments are closed