“Biairska Svetlina”: 7 chipote kote so sine ratvardo o nijami e sastiapskere arakhinakoro kori o Roma tari Bitola !!!

BAIRSKA SVETLINA

O sikavutne taro dizutnikano amalipa “Bairska Svetlina” tari Bitola sar kotor taro proekti anavkerdo sar “O nijami ko sastipaskoro arakhiba si nijami sa e dizutnengoro ki R.Makedonija”, Kergje dikhin e vice ambasadoreja e Bare Britanijakoro ki R.Makedonija, Pol Edvards.

Chachipnaske si mangje shukar te ovav kotor tari akaja chipota sar vice ambasadori e Bare Britanijakoro ko Skopje thaj te da arka sar ambasada ko akava proekti kova so kerelape buti ko pervazija taro METAMERFOZIS a legarelape ko vazdiba e gndipaskoro basho odova kola sa nijamija I Romani jekhin isila thaj sar kamlape te kulandinen odola nijamija palune akcenteja ki sastipaskiri arakhin, t.e. te sikava kaj I Romani populacija na bi kamlape te ovel diskriminirimi ko pervazija sar egzampli angleder pukiniba e moldijakoro basho lengoro lejbe than ko disavow hospitali, vakergja o vice ambasadori e Ambasadakoro e Bare Britanijakoro ko Skopje, Pol Edvards.

Kozom chipote si arakhle kote so kerelape phagerdiba e nijameskoro ki sastipaskiri arakhin e Romane dzenengiri tari Bitola kerela lafi o Remzi Medik, o prezidenti ki Romani Biradzakiri organizacija “Bairska Svetlina” tari Bitola.

Akale proekteja I Romani biradjakiri organizacija Bairska Svetlina si telal grantisti ko pervazija e proekteskoro anavkerdo sar “Dejbe Otchet mashkar o dizutnikano angaziriba” implementirimo tari rig e Fondacijakiri Metamorfozis, a finansisko arkaja tari Britanijakiri Ambasada ko Skopje.

You may also like...

Sorry - Comments are closed