Beograd: Cisterna pijbaskere pajbeja basho o Roma taro Novi Beograd thaj taro Mirijevsko brdo

MALI

O dizjakorosherutno e Beogradeskoro i Sinisha Mali vakerela kaj ko avutne 6 chona ko naformalno Romane kupatna ko Novi Beograd thaj ko Mirijevsko brdo kote so dzivdinena 145 Romane familije, ka ovel lengje obezbedimo pijbaskoro pani tari cisterna thaj mobilno sanitarno kabine. O Mali, ko sikaviba e proekteskoro “Fundavno dejbe pijbaskoro pani thaj sanitarno oprema ko naformalo kupatna ko Beograd” angija kaj odova si proekti kova so si taro but baro inportantnost odoleske soske ka obezbedinel ko avutne 6 chona poshukar shartija basho dzivdipa e Romengje kola so dzivdinena ki leskiri diz.

– Ko tikno vakteskoro intervali shajsargja te arakha chane te shaj i sanitarno oprema thaj o pijbaskoro pani te anale dzi ko Romane kupatna, vakerela o Mali. Ov andingja kaj kerelape buti basho duj naformalno kulatna – “Antena” ki komuna Novi Beograd, thaj “Mirijevsko Brdo” ki komuna Zvezdara.

– Ko akava chane ka obezbedina pohumano shartija basho dzivdipa akale Romane jerilukongje, kola so sakosa isi 145, vakerela o Mali. O Germanijakoro ambasadori Aksel Ditman, kova so si partneri ko proekti, andinela kaj o poshukarkeriba e shartengoro kolende so dzivdinena o Roma ko Beograd si “but inportantno buti” bashi i Germanija.

– Akava proekti si kotor taro o pobare paketija taro napija basho poshukarkeriba e dzivdipaskere shartengoro e Romengere. I Germanijakiri Radja kerela jek kupa proektija basho poshukar keriba e Romane dzivdipaskere sharengoro ki sasti olengiri iklizija, thaj agar vazdingja thaj proektija basho struchno hazrkeriba e Romengoro te shaj te len than ko kurko e zoreskoro, diso so kamlape te kerenle thaj tumen, thaj odova si buti inportantno amengje, vakergja o Ditman.

O Ditman vakergja kaj o poshukar keriba e sharengoro basho dzivdipe e Romengje ki Srbija si inportantno thaj taro humano dikhiba, sar thaj basho odova so baro numero taro o Roma dzana ki Germanija sebepi so nanelen shukar shartija basho dzivdipa, thaj rodena azili.

Ov dzivakergja kaj o dejbe rodariba basho azili e Romengiri ki Gemramnija nane i resrin te shaj o Roma te ovel len poshukar dzivdipa, numa ola kerena shartija te shaj o Roma te ovel len poshukar shartija dzivdipaskiri ki olengiri phuv e bijanibaskiri, ki akaja chipota ki Srbija. Inaku, o proekti basho aniba pani thaj saniarno oprema ko Beograd kerelape ki inicijativa e Germanijakere Ambasadoreskiri Aksel Ditman, thaj ko mashkarbutikeriba e Sekretarijateja bashi sicijalno arakhin e dizjakere legarinengiri ko Beograd thaj e germanijakere organizacijaja GIZ. O baripe e proekteskoro legarela 140 mile evroja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha