Basho o chave taro Diveskoro centro basho chave taro droma sapanda nane decizija

GRADINKA

Palo o nakhle nekozom kurkengoro iklojbe tari bari jag ko sasto objekti e duje palune khujbaskere thanengoro kola so sine sakosa thare, o chave tari grdanika 8to April, ko sig, basho jekvakti ka oven chivde te educirinenpe ki mashkaruni siklana “Shaip Jusuf” ko Shuto Orizari, a basho o chave taro Diveskoro centro basho chave taro droma, kola so basho jek vakti si chivde ko thana e biradjakere organizacijakere IRIZ, sapanda nane ando decizija kote ka oven chivde.

I koordinatorka e Diveskere centroskiri, Irena Velkoska, basho mediumija dela havlariba kaj arakhlape e ministereja basho trud thaj socijalno politika Ibrahim Ibrahimi thaj kaj kergje lafi basho nekola shajsaribaskere pocie basho halojbe e problemeskoro.

Taro Ministeriumi basho trud thaj socijalno politika vakerena kaj kerena buti ki chipota basho arakhiba halojbe.

– O ministeriumi basho trud thaj socijalno politika sinele dikhin e vaslegaribaskere dzenencar taro Diveskoro centro basho chave taro droma ko Shuto Orizari kova so sine astardo tari jag, thaj si ki faza e arakhibaskoro soodvetno than basho o zarurina e Centroskoro basho chave taro droma kova so ka ovel isto agar ki teritorija e Komunakoro Shuto Orizari, vakerela I Zaklina Velichkovska taro MTSP.

I prezidentka ko IRIZ, I Fatima Osmanovska, vakerela kaj o thana e organizacijakere si chivde ko raspolagajne e chavengoro taro Diveskoro centro, kozom te na oven mukle ko droma.

I sherutni e gradinkakiri 8to April, Songul Shaban Ahmed, vakerela kaj o chave ka oven chivde ki mashkaruni siklana “Shaip Jusuf” sar so ka delpe lengje shajsariba basho soodvetno shartija.

– Trujal 200 chave ka oven chivde ko thana e mashkarune siklanakere ko avutne 10 divesa, sar so ka shajsaden soodvetno shartija basho saste diveskoro lejbe than. Akana, o chave si khere. Akanaske isiamen ikerin taro UNICEF, o Chavorikano gac thaj I lokalno korkorilegarin, mashkar odova sekoja javer arka ka ovel shukar ali, vakerela I sherutni Shaban Ahmed.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha