Baro numero limorija e Roemngjere thaj Evreija ko pashipa e manastireskoro ko Rakovica

LOGORI

Ki mapa e mukengiri e Romengiri thaj e Evreengiri ki Srbija si chivde thaj nekola lokacie kola na sine pendjarde e polungo sasuitnipaske. Ko 1941 bersh basho salde 4 chona o nacistija likvidiringje 1500 Romen thaj 6000 Evreen. Odova ulo ko avgo kotor e Holokausteskoro ki Srbija dzi ko noemvri 1941 bersh.

O sikaviba thaj o mapiriba ka kerelpe taro fevruari dzi ko juni o bersh ko phandipa e proekteskoro “O thana e mukengere – avgo kotor e Holokausteskoro”.

Ki mapa ka arakhloven thaj nekola nevearakhle lokacie sar so si Rakovica thaj Bubanj Potok.

O proekti si jekhutnrste butikerdo taro Sojuzi e evrejsko komunengoro ki Ssrbija, o belgradeskoro Centro basho rodariba thaj edukacija basho Holokausti thaj o Filozovsko fakulteti ki Rijeka. O lokacie ko Rakovica thaj Bubanj Potok arakhlalen o istorichari Milorad Pisari taro Centro basho rodariba thaj edukacija basho Holokausti.

– Ki Rakovica ko salde 200 metre taro manastriri, sine mudarde 400 Evreija, ko 14to oktomvri 1941 bersh.

I lokacija Bubanj Potok sapanda rodarelape. Isi sikavina kaj isi masovno grobnice numa o numero e kurbanengoro nane zojrakerdo.

O Nikola Radik Lukati taro istono centro vakerela : – Nasine getoizacija upral o dizja, ko korkori dizja sine chak 7 logorija. O sajmishte sinele duj, o avgo salde basho Evreija thaj Roma, a o dujto sine tranzitno. Palo odova o logoro TOT, mashkar I Brankovno phurt thaj o Muzej bashi jekajekvakteskoro umetnost. Ki Banjica sine isto duj logorija, jek vaslegarenale sine Germancija, a o dujto I legarin e dizjakiri Belgrad. Akate si isto agar thaj o Topovsko shume, thaj I Milishikevsko viclatna e Zvezdarakiri.

Sar avgo logori si sapanda okova ko Svilare kaj o Panchevo.

You may also like...

Sorry - Comments are closed