Bari jag dzi ko temelija thargja I chavorikani gradinka “8to April” ki komuna Shuto Orizari

GRADINKA

Avdive ko gechi javinakere arija, trujal jek o ari pali ekvash I rat, I komuna Shuto Orizari sine pakardi ki jek bari chibjakiri jag koja so pakjalape ka mukel pire belegija ki historija e komunakiri.

Ko jek o ari pali ekvash I rat, ki Shutka thabilo o heminportnanto than bashi edukacija e Romane chavorengiri angleder te ciden ki fundavno siklana, thabili I chavorikani gradinka 8to april e komunakiri.

I gradinka koja so ki peste sekova bersh khedela po trujal 200 Romane chaven thaj educirinelalen thaj hazrkerelalen bashi fundavno edukacija, irati thabili kote so o mujal jagakere ekipe kergje zorija te achavenla dzi ko 7 o ari javinakoro.

Spremal odova so shaj te dikhen taro o instertija, khanchi sasto na achilo ki akaja chavorikani gradinka, thaj sa o pakina kaj shaj te renovirinelpe perena ko pani, odoleske soske, spremal o avgo pulisarina, o objekti si sakosa tharo thaj kamlape sakosa taro nevo te kerelpe.

O sebepi sapanda nane dodzandje sostar alope dzi ki akaja bari jag, numa o ekipe e dzandarmerijakere, dikhlarutne thaj dodzandutne, kerena buti ko arakhiba e sebepengoro e jagakoro koja so javinakoro gltingja sa so sine sasto ki akaja chavorikani gradinka.

I sherutni e gradinkakiri Shongul Shaban Ahmet vakerela kaj nadzanela kola shaj te oven o sebepi so angja dzi ki akaja katasrrofalno jag e gradinka.

Ki akaja chavorikani gradinka piri angledersikljovnakiri edukacija shunenala sine trujal 190 Romane chave kola so ko evendaskere shartija arakhenape sine pophare problemencar e takaribaja e odajengoro, sebepi so, spremal o lafija e sherutnakere ki gradinka ko anglutno amaro TV prilog ki gradinka, problemi sine o kotlija e gradinkakere kola so arakhlovena ko podrumija thaj sebepi so o podrumija sakana poplavinena sine taro disave pajba so ikljovena sine teleder I phuv, ola nashti mukena sine o parnija te takaren I siklana.

 

Sar hem te ovel, bute chavorengere sune, kola so akana si bare thaj educirinenape ko poucho nivelo, achile e iratutne jagaja ko gltingja I chavorikane gradinka so nekana olada late educirinenape sine. Kamlape akaja chipota te sikavelpe sar problemi sa e politikaere partiengje thaj institucie thaj sarine te den piko so posig akana te kerelpe I chavorikani gradinka.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha