Avgo Romano Hip-Hop mjuzikl ko Dzianeskoro teatro ki Srbija

ROMI SRBIJA

I Grupa “Grubb” ko 13to akava chon ko Dzijaneskoro teatro ki Srbija sikavgje o avgo Romano hip-hop mjuzikl shou, koleste so kulandingje tradicionalno Romani muzika thaj kheliba hemimo moderno zvukoncar, hip hop thaj rap kova so angja lengje avgo teatarsko dzandipe.

– Erat ko Dzijaneskoro teatro ma adziekren e Verdi thaj e Cheho, erat ka shunen basho avgo drom Romano hip-hop mjuzikl kova so nekana si kerdo, vakergja angleder te shurakerel o muzikakoro shou o umetnikano sherutno, o kanadzanco Serz Denonkur.

O denonkur, kova so si inspiririmo taro kreativnost thaj tari i buti e terne Romengiri, andinela kaj o legariba e mashkardizaneskere umentiknogoro thaj o terne Roma kola so si pherde entuzmoja, manginaja thaj adzikerinencar, sikavgja po esapi e sikajbaja o avgo asavko shou tari Grupa Groob tari Srbija.

O terne Roma tari Srvija, ko baripe taro 14 dzi ko 20 bersha, ki mashkarbutikerin e mashkardzianeskere umetnikoncar kergje o Grubb shov thaj sikavgjele ki Romani chip, prevedibaja ki anglikani thaj ki srpsko chip, a i tema koja so sikavgjela kerela lafi basho mangipe, amalipe, sar thaj o sekolediveskoro mariba mujal o chorolipa thaj i angleder chivde bilache gndina basho o Roma, sar so jek olencar si kaj sa o Roma si chora.

Koreografija, muzika, scenografija, video hramoviba thaj tasfirijja, i Romani paramis sine sikavdo ko teatro, manginaja te sikavelpe i Romani tradicija e javere tradiciengje thaj ko odova chane dengje jek takati sarinengje so dikhe olengoro performansi thaj e ternenge te oven gorda pire korenongje kotar so avena.

I grupa Grubb, koja so korkori hramonela peske tekstija, gila thaj muzike, piro shou kerenale ko pobuter turnee, lejbaja than ko Montreal, New York, London, a ko 13to mart basho avgo drom piro performansi sikavgjele angli piri kherutni publika.

Inaku, “Brubb Forward” si organizacija koja so arakhlovela ki Anglija, kergjala i Karolin Robo ko 2006 bersh, a kerela buti ko edukacijakere thaj muzikakere programe. I

Ola pobuter kerena buti ki Srbija terne Romencar thaj olengiri resarin si te anglutkerenlen ki edukacija, te denlen poshukar sjajsarina basho bukjardarnipa, thaj te den polungo vakteskiri integracija e etnikane minioritetengere kupen.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha