Avdive si Paluno dive basho apliciriba e Romane studentengoro te len rashtrakiri stipendija !!!

STIPENDII

Basho avgo drom ki R.Makedonija angleder jek chon sine sikavdo akharipa basho ulajbe sakosa 30 stipendie basho nichale studentija Roma, kola so si hramome ko dzidiplomiribaskere studie ko avgo ciklus, ko sasuitnikane thaj ko privatno iniverzitetija thaj uche edukacijakere ustanove ki R.Makedonija, basho akava akademikano 2015/2016 bersh.

O ministeriumi bashi edukacija thaj nauka akharela e Romane studenten prekal olengiri specijalno veb rig www.stipendii.mon.gov.mk te aplicirinen odoleske soske avdive si o paluno dive ki te shaj te aplicirinen thaj te oven kandidatija basho lejbe o 30 stipendie basho o nichale studentija.

– 10 stipendie ka ulavenpe basho o studentija taro Romano nacionaliteti, rashtrale dzene e Makedonijakere kola so hramongjepe ko avgo bersh ko studie, dzikote 20 stipendie ka denpe basho o studentija Roma kola so hramongjepe ko dujto thaj ko pouche bersha e studiribaskere. O uchipe e stipendijakoro legarela 5 mile denarija ko chon, a ka denpe basho 9 chona ko thavdipa jekhe bersheskoro, vakergja ko prajbe e konkurseskoro ko 12to Januari 2016 bersh o Spiro Ristovski.

O zainiteresirime kandidatija shaj te aplicirinen dzi avdive 11to fevruari 2016 bersh a o zarureskere dokumentija shaj te hularenlen tari web rig www.stipendii.mon.gov.mk thaj o istono te bishalenlen dzi ki Legarin basho bajrovipa thaj anglutkeriba e edukacijakoro e chibjengiri e preperutnengiri e jekhinengiri pri o Ministeriumi bashi edukacija thaj nauka, ko drom “Sv.Kiril thaj Metodij” nu.54, 1000 Skopje.

Ko avutnipa si anglederdikhlo thaj bajrariba e kvotakoro basho hramoviba e studentengoro Roma ko sasuitikane ucheedukacijakere ustanove ki Makedonija thaj dejbe dzipherdi akademijakiri arka basho sukcesivno agorkeriba olengere studiengoro.

Inaku, o MON, o REF thaj i Dekada e Romengiri ko nakhle nekozom bersha kergje zorija basho te kerelpe sistemi e sakosaskere stipendiribaskoro e edukacijakoro basho o sikle taro Romano nacionaliteti, basho vakti olengere mashkarune edukacija, numa thaj palo olengoroda agorkeriba.

I resarin si shukarmanginakiri, vakergja o Ristovski, t.e. o Roma te arakhenpe e so shaj pouche digroja ki edukacija thaj odoleja but lokheste te integririnenpe ko sasuitnipa. Odova si ko interes hem e rashtrake numa thaj hem basho olengoro lichno thaj profesionalno bajrovipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha