Avdive o Roma nishanikerena o 4to dive taro Herdelezi… Kozom o Roma nishanikerena panda piro hembaro bidjuko ???

HERDELEZI

Avdive, 9to maj, tradicionalno bershencar napalal pa hem avdive, o Roma tari sasti them thaj polungo ko regioni thaj Evropa, nishanikerena o 4to thaj paluno dive taro o hembaro Romano tradicioalno bidjuko anavkerdo sar Herdelez.

Akava dive panda anavkerelape thaj sar Dzajbe e HErdelezeskoro, dive kana ko nakhle bersha o Roma e Shutkakere ikljovena sine ko parkija kola so pobuter nane ki shutka, a dzikote o Roma e mahalakere ikljovena sine ko Francuzengere limorija kola so avdive nane thaj ko olengoro than arakhlovela I Amerikakiri ambasada.

Tradicionalno akava dive sip hero hajbaja, pijbaja, khelibaja thaj shukar muzikaja taro javinakere arija pa sa dzi ko gechi rakjakere arija.

Sebepi so nane kote te ikljoven ko pravdipa, soske ki shutka nane parkija, thaj sebepi so o vakti si badalo, hembut pakjalape o 4to dive e herdelezeskoro o Roma ka dodzakerenle peske ko pire khera thaj pire avlina.

 

E dzajbaja e 4to diveskoro taro Herdelezi, o Roma pakjana kaj oleja dzana peske thaj olengere evendaskere mukje so sekova bersh dikhenalen sebepis o nanelen khera thaj sovena avrial, nanelen kashta, nanelen struja thaj agar naodori.

O 4to dive e herdelezeskoro avela o zelenipa thaj avela o dzzivdipa e Romengoro, iranelape e Devleskoro kham kova so dzi ko Mitrovden ka takarel e Romen, t.e. dzi ko olengere avutne bersheskere muke.

Sa o Roma kola so nishanikerena peske o Herdelezi, bahtarena pire manglengje o hembaro bidjuko e Romengoro Herdelezi.

You may also like...

Sorry - Comments are closed