Avdive o Ministeri Nezdet Mustafa vizitkergja e Romane familija Amet taro Drachevo

neco

Ko pervazija pire avdisutne bukjarne diveskoro, o Ministeri ki Radza e R.Makedonijakiri thaj o nacionalno koordinatori e Romane Dekadakoro, o Rajo Nezdet Mustafa, sinele te kerel vizita ki Romani mahala ko Drachevo, t.e. te vizitkerel e trine familijen Amet kola so nastradingje ki jag koja so iklili sebepi o phajrovipa e bocakoro ko 5to januari o bersh.

Sar so irati ov vizitkergja e kurbanen taro o phajrovipa e bocakoro kola so arakhlovena ko dizjakoro hospitali “Sv. Naum Ohrideskoro” thaj havlargja kaj ka del arka e Romane familijen, ov o avdisutno dive angja pherdo asta taro arke akale Romane familijengje.

Agaar, irati, ki nichali beshlarin e Radzakiri e R.Makedonijakiri, ki inicijativa taro o Ministeri Mustafa angjape decizija i Radja te ulavel po 30 mile denarija jekrigakiri arka e trine Romane jerilukonge tari Familija Amet kola so thabile taro o phajrovipa e bocakoro sar thaj kola so achile bizo pire khera tari i jag so iklili. Isto agaar ki inicijativa e Ministereskiri Mustafa, o Ministeriumi basho trud thaj socijalno politika ka ulavel po javera 30 mile denarija e Romane familijake, so znachinela kaj sekoja jek familija, ki inicijativa e Ministereskiri Mustafa, ka len jekrigakiri arka tari rashtra ko sakosaskoro legariba taro 1000 evroja, jali ka ulavenpe sakosa 3000 evroja basho o trin jerilukija e familijakere Amet save so sine kurbanija ki iklimi jag taro o phajdovipa e plineskere bocakoro.

O ministeri Mustafa ki piri vizita ko Romane familije ko Drachevo isto agar dengja haberi kaj ki oleskiri inicijativa, a ko rodariba taro o dizjakoro hospitali kote so pashlovena o thare Roma, o ministeriumi basho sastipa e R.Makedonijakoro finansisko ka ucharen o hardzina bashi i lista taro ilachija koja so kamlape te delpe e Romane dzenengje sa dzikote na saslovena jali sa dzikote na avena ko piro takati.

Thaj isto agaar, ki inicijativa taro o Ministeri Mustafa, o Lolo Trushi e Dizjakoro Skopje ilavgja pire humanitarno paketija e Romengje kola so ki peste ikerena sine : hajbe, pijbe, chistlukoskere artiklija, kebe, sheja thaj agaar naodori.

I Romani familija Amet si but chale taro akava kotor e Ministereskoro Mustafa so dengjalen arka ko odova dakiko kana olenge si hembut zaruri.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha