Angleder 15 bersha akale aktere mudargjele salde sebepi so gndingje kaj si Rom

DRAGAN

Ko noemvri 2000 bersh jek kupa taro huliganija ki kupatni Zeleno venco ki diz Beograd e Srbijakiri, ko ratvalo chane premargje e aktere anaveja Dragan Maksimovich, salde sebepi odova so gndinena sine kaj si Rom.

O dzene kola so prekal mariba mudargje akale aktere nikana nane arakhle, a o Maksimovich sebepi so sine but ratvardo taro mariba duj chona pogechi, ko 4to fevruari ko 2001 bersh hasargja piro dzivdipa.

Ko than kote so o akteri Makcimovich sine brutalno mardo a pogechi thaj sebepi o mariba mulo, ki vakerin taro rajo goran Markovich chivdo si gndimalo bar ko 18to noemvri 2006 bersh.

O mudardo akteri sebepi so gndingjele kaj si Rom, o Dragan Makcimovich lela tha ko pobuter taro 60 uloge ko teatrija, filmija thaj televizije.

Ov debitiringja ko Dizutnengoro teatro ko Veograd e ulogaja Askeri ki sikavin “I bare ileskiri daj thaj olakere chave” ko 1971 bersh.

Basho trin decenije ki scena akale teatroskiri ov khelgja baro numero taro uloge ko but bare numeroskere teatareskere sikavina.

Numa salde so jek kupa taro huliganija gndingje kaj si Rom, ov sine mudardo taro but baro mariba ko noemvri 2000 bersh thaj salde sebepi so gndingje kaj si Rom, ov hasargja po dzivdipa thaj piri profesionano aktersko karieta.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha