Analiza: ,,O nijami bashi edukacija e chavorengiri Roma palune fokuseja ko Romane chaja,,

skolo romi

Irati 02.03.2016 bersh ko Gem Klubi shurakeribaja taro 13:00 o ari, sine ikerdi analiza telal ki tema: ,,O nijami bashi edukacija e chavorengiri Roma palune fokuseja ko Romane chaja,,. Ki istono analiza sine thaj muklo Dokumentarno video materiali kova so sikavela i Edukacija sar dzami basho pobuter shajsarina e Romane chajengje.

I analiza sine pobare akcenteja chivdi upral i edukacija e Romane chajengiri. I analiza sar thaj o video materiali sine kerde ko pervazija e proekteskere “Anglunipa e nijameskoro bashi edukacija e Romane chajengiri palune fokuseja ko Romane chaja” kova so proekti sine finansisko dendo arka tari Ambasada e Kanadakiri ki Srbija, Makedonija thaj Montenegro.

I resarin e analizakiri, e video sikavinakiri sar thaj e korkori proekteskiri sine te poshukarkerelpe prekal lende i edukacija e siklengiri Roma ko kotora kote so ola sikavena ponashukar esapija palo anglederdikhle artiklija a kola so artiklija si inportantna basho anglunipa olengere edukacijakoro.

Ko Gem Klubi i Analiza prezentiringjela:

– Margarita Caca Nikolovska- Prezidenti ko Instituti basho manushikane nijamija, adalatkerka thaj telalprezidentka ko Ustavno adalati e Bosna thaj Hercegovinakoro.

– Dzenifer Dzeladin – proekteskoro koordinatori.

– Maja Stojanoska – proekteskoro asistenti.

Ki prezentacija lele than o Ambasadori e Kanadakoro ki Srbija, Makedonija thaj Montenegro, sikavutne tari komuna Gorche Petrov thaj Gazi Baba, sherutne taro fundavno siklane ko odola komune, sar thaj sikavutne taro rashtrakere institucie thaj biradjakere organizacie.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha