Alosarde o neve dzene ki Komisija basho arakhiba tari dksirminacija, Romane dzene nane !!!

KOMISIJA ZA DISKRIMINACIJA

O Khediba e Repbulika Makedonijakoro gechi palokushluko ko pervazija e 85to beshlarinakoro, 62 hangoncar basho thaj jem mujal, alosargja e Toni Naunovski, Aleksandar Dashtievski, Aleksandar Spasenovski, Nena Nenovska-Georgievska, Jovan Ananiev, Irfan ehrani thaj e Bekim Kadriu basho neve dzene e Komisijakere basho arakhiba tari diskriminacija. Sa o dznene si Makedoncija thaj Albancija, a ki Komisija basho arakhiba tari diskriminacija, kolatar so hembut cidena o Roma, dzene Roma nane.

Spremal o deputatija tari opozicija o predlozime kandidatija Toni Naunovski thaj aleksandar Dashtevski nanlen kredibiliteti te oven dzene ki Komisija, dzikote o deputatija taro legaribaskoro pobuterdzejnipa esapinkerena kaj o predlozime kandidatija si profesorija ko univerzitetija kola so isilen baro dzandipe thaj kvaliteti.

O deputati Dzevat Ademi taro DUI vakergja kaj o kandidatija albancija Irfan Dehrani thaj Bekim Kadriu, si o hemshukar mashka sa o efta predlozime dzene e Komisijakere.

– I deputatengiri kupa taro DUI ka del po hango basho pire dzene, numa rovaja so kamlape te da anaro hango ko paketi, vakergja ov.

Inaku, ko diveskoro niche akale beshlarinakoro, kote so nane hanguimo ni jek Rom te ovel dzeno ki Komisija bashi diskriminacija, koja so beshlarin ka kerelpe thaj taisa, arakhlovena panda 70 javera kanuneskere halovina ko avgo thaj ko dujto drabariba, sar thaj pali potikni postapka.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha