Alen Umer: Premiera e prvo svetcko pendjarde filmeskoro ko Romano iraniba (prevod) !!!

АЛЕН

O Alen Umer ki sorabotka e Ternengoro Klubi tari komuna Shuto Orizari kergje Premiera e Prvo Filmeskere Romane Prevodeja hem uedno da humanitarno akcija, potochno sa o pare taro karte khedingjepes so cel te pomozinel pes e familija Shabanovski tari Shutka.
O nastan sine ikerdo ko Dare Djambaz 25-to Mart ko 19:00 o saati. Othe sine prisutna 134 djene.

O filmi so prevedisailo sine ki shpansko chib, hem o sebepi soske bash odova filmi tano birimo prevedibaske tano odova soj tano jek taro majpopularna filmija ko terne Roma.
I glavno cel taro akava nastan sine te sikavel pes I humanost e Romengjiri hem te promovirinel pes neshto so na sine dji akana – te dikhel pes kheldo filmi Romane prevodeja.

Osven akava, glavno porake sine dende ko govor taro Alen Umer kote so vakergja kaj o filmi namerno tano kerdo ki razgovorno romani chib a na pravilno sebepi pobuter djene te haljon o prevod hem odolea dengja ko znaenje e pozrelo/ pophure Romen kola so bavinena pes e romane chibjaja akava nastan te ovel lengje sar pottik ko odova ola najangleder te keren delija ki razgovorno romani chib te shaj sa o terne roma te haljon, pa pali odova te ovel sa ki pravilno/literaturno chib.

Isto agjare glavno poraka sine dendi dji ko terne da Roma akava nastan te ovel lengje sar voved ko adava olada te keren pobuter delija ko romane sebepi o akanutne hem idna generacije te sikljoven povishe te negujnen pi chib hem te mangen pobuter po Romano identiteti.

You may also like...

Sorry - Comments are closed