Albanijakoro vice-ministeri arakhelape adalatkeribaja sebepi o hovajbe upral o love kola so sine dende basho Roma

ALBANEC

O poanglutno Ministeri basho trud thaj socijalno politika ki Albanija, o Spiro Ksera, si doshalerdo kaj bizo kanuni lelapeske sine strestvija tari programa koja so sinela bashi resarin te del arka e Romane populacija thaj olengiri integracija ko sasuitnipa.

O albanijakoro adalati dengja nalog te shaj ko puranokurko savo so nakhla, o Ksera te ovel iekrdo ko pritvor sar so sine doshalerdo basho zulumikulandipa pire bukjakoro thaj sebepi so proneveringja ko uchipa taro 216 mile evroja e Fonde kova so si kerdo bashi i socijalno programa, ki akaja chipota dejbe arka e Romen ki Albanija bashi olengiri integracija ko sasuitnipa.

O Ksera sine ministeri ki Radja e poanglutne premiereskiri Sali Berisha sa dzi ko 2013 bersh. Ov sine astardo o nakhlo panchtodi ko gav Dervikan ki periferija e dizjakoro Dzirokastro. I rodarin shurakergja basho vakti e rashtrakere revizijakiri kana falinena sine dokumentija taro 6 nacionalno programe ko vakti o leskere mandateskoro sar ministeri.

Ko keriba dikhlariba o inspekcije ale dzi ki phandin kaj ko april 2013 bersh kana kerelape sine i proslava telal ko sebepi o Mashkardzianeskoro dive e Romengoro, o proslava sine finansisko dendi arka taro UNDP, a na sar so si sikavdo kaj ikerin dengja tegani o Ministeriumi basho trud thaj socijalno politika… tergjovela ko havlariba e doshalkeribaskro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha