Ake so bi mangjena o Roma te dikhen ki piri jekhutni Romani komuna ko sumnal !!!

SUTKA ULICI

Avdive amare Romencar tari jekhutni Romani komuna ko sumnal, t.e. tari komuna Shuto Orizari kergjam jek anketa prekal kolate mangljam te puchalen: so si odova so tumen mangjena te dikhenle ki tumari komuna, numa sapanda nanetumen le ki istono komuna.

O rodarina, o mangina thaj o apelija te kerenpe odola bukja so falinena ki komuna Shuto Orizari tari rig e Romengiri si buti bare.

Sar ka shurakera tari nevi poshta, banka, biblioteka, centrija basho o terne thaj pobuter parkija, pa sa dzi ko mujal jagakiri ekipa, medicinakiri sig arka, jekajek vakteskere parking placija thaj trafike, Rodena e Shutkakere Roma ki piri komuna.

Vakerena kaj ola saste bersha adzikerena kaj sar so i rastra dela shajdipa ko sa o javera komune te kerenpe akala zarureskere institucie ko sa o javera komuna, kaj jek dive ka kerenpe thaj ki komuna Shuto Orizari, jekhutni Romani komuna ko sumnal, numa vakerena kaj taro bersh ko bersh sa pobuter ovena razocharime taro odova so sapanda nanelen dijek but sasuitnikane zarureskere institucie ko pire komnune.

Ola selaminkerena o chijbe nevi pajneskiri thaj kanalizacijakiri mreza, o keriba mashkaruni siklana bare harija thaj o shurakeriba te kerelpe sproteskiri hala, numa ko istono vakti rodena te kerenpe lengje thaj o upre andime institucie sar thaj te kerenpe lengje socijalno stanija, kancelarija e biroskiri basho bukjardarnipa kote so sekova chon o socijalcija ka dzan te prijavinenpe, te asfaltirinen olengere droma thaj panda but javera bukja.

Numa, vakerena kaj ako hasargjape i adzikerin thaj ako na kergjape lafi te shaj te roda, amen o Roma chache nikana nane te dikha odola fundavno zarureskere institucie ko amare komune, thaj apelirinena dzi ko nadlezna te shunen olengere zarurina thaj ko sig vakti te agorkeren pire bukja basho olengjere na luksuzno numa findavno manushikane zarurina te ovel len ki piri komuna, sar so isi e javeren ko sa o komune e phuvjakere, a nekola Roma vakerena kaj odova so ola rodena isi thaj ko nesave gavada ko porazviime phuvja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha