Ake kova si o suno e Romengoro bashi posuzi thaj pojekajek vakteskiri komuna Shuto Orizari !!!

SUTKA NE PRF

Taro irati ki R.Makedonija shurakergja I kamapnaj basho lokalno alosarina kote so ki prastin basho dizjakersherutne ka prastan o kandidatija taro 80 dizja e themakere, thaj o kandidatija tari diz Skopje.

Sapanda, e mediumengiri buti akala divesa ki alosaribaskiri kampanja si te shaj te oven sopobuter mashkar o dizutne thaj te puchenlen so mangjena te dikhen ki piri komuna taro o nevo jali o veke so sine dizjakorosherutno a so si olengoro suno te dikhenle ki piri komuna.

Kana sijam ki jekhutni Romani komuna ko sumnal, Shuto Orizari, olakere dizutnen so dzivdinena ki olate isilen but thaj but sune so mangjena te oven chachipa ko nadrgadiba thaj keriba jekajekvakteskiri piri komuna kote so dzivdinena, phujrovena thaj merena.

Agaar avdive e Romen puchamlen so si odova so mangjena te dikhenle ki piri komuna, so si olengoro sakanaskoro suno, a so basho rojbe dzi akana na dikhlele ki piri komuna.

Tari jekajekvakteskiri ambulanta sa e sastiapskere oddelencar ki olate, dzi ko zelena thana thaj parkija, pa sa dzi ko sig medicinakere arkakoro vrdon, mujaljagakoro vrdon, kancelarija basho biro basho bukajrdarnipa thaj banke, droma, kanalizacije thaj sar so vakergja jek amaro soovorniko, sa trebela ki Romengiri shutka.

 

Ola Rodena o nevodizjakorosherutno te ovel pravdo sakana bashi lengje, te kerel gajla olengje thaj olengjere problemengje thaj te kulandinel o mashkardzijaneskere fondija te shaj te aven dzi ko love kola so ka ulozinenlen na bashi pi dzepa numa basho o shukaripa e Romengoro.

Rodena te cidenpe donatorija thaj investicije basho prajbe bukjarne thanengoro ki komuna, sar so si keriba nekozom fabrike kola so ka haloven o problemi e ternengoro kola so sebepi so nanelen buti nashena ko gurbeti.

You may also like...

Sorry - Comments are closed