Agorkergja o snimiba e tikne vakteskere khelde filmeskoro “Purano sastrn” kerdo basho jek Romano jeriluko

FILM STARO ZELEZO

Agorkergja o snimiba e tikne vakteskere khelde filmeskoro “Purano sastrn” kova so sine kerdo bashi jek Romano jeriluko. “Purano sastrn” si jekajekvakteskiri drama koja so tretirinela o sekolediveskoro dzivdipa jekhe Romane jerilukoskoro sikavdo tari perspektiva jekhe iskreno 8to bershengere chajakoro thaj olakere zorija te anglederanel ko olengoro dzivdipa. O filmi si bazirimo ko emotivno momentija kova so bashi fundavno tema lela jek sekolediveskoro aktuelno chipota dikhli taro jakha e hemneve dikhlarutneskiri, chavo.

O svenario thaj I rezija akale Romane khelde fileskiri si kotor taro Zlatko Kalenikov, a I avtorengiri ekipa si kerdi taro Dejan Dimeski – sherutno ki fotografija, scenografi Kiril Spaseski, kostimografi Zaklina Krstevska, montaza Atanas Georgiev, a o kasting kergjale I Katerina Grubach. Producenti e filemskoro si I Ivana Shekutkoska.

O sherutne muja ko filmi “Purano sastrn” khelenalen: Monika Boshkovik, Bajram Severdzan – Koljo, Jelena Jovanova Perik, Katina Ivanova, Toni Mihajlovski, Dime Iliev thaj Predrag Pavlovski.

O filmi Romane tematikaja si producirimo taro Strimon Filmi Skopje thaj si ki koprodukcija taro FHZH thaj Sektor Filmi.

O filmi, daja haberi e Romen, kova so si Romane tematikaja, si finansisko dendo ikerin tari Agencija basho filmi e R.Makedonijakiri, dendo ikerin si thaj tari Asocijacija Inicijativa basho socijalno tranpe, InSok-Skopje thaj taro Makedonijakoro centro bashi mashkardzijaneskiri mashkarbutikerin MCMS.

You may also like...

Sorry - Comments are closed