8to mart – o dive e dzuvljakoro jali dajakoro, sar nishanikerenale o Romane dzuvlja !!!

8МИ МАРТ

Avdive sijam 8to mart, o dive kova so o dzuvljano poli nishanikerenale sar o dive e dzuvljakoro.

Trujal sa o phuvja ko sumnal, akava bidjuko nishanikerelape sar mashkardzijaneskoro dive e Dzuvljakoro ko kova so dive o dzuvlja prekal sansareskere marshija nishanikerena thaj rodena phejrariba pire nijamengoro thaj avipa ko jekajek nivelo e murshencar ko sa o svere e dzivdipaskere.

Lengarde taro odova, ko nekola rashtre taro sumnal o 8mi mart anavkerelape sar rashtrakoro bidjuko.

Ki R.Makedonija o 8to mart nishanikerelape sar inportantno dive kote so o dzuvlja, chivindor thaj e Romane dzuvljen, kinena pursakija jek javereske, dzana thaj avena thaj bahtarena peske o dive e dzuvljakoro, kova so panda si pendjardo thaj sar o dive e dajakoro.

Ki shutka angleder nekozom divesa shurakergjape veke te bikinenpe turli pursakija. Shurakerindor taro lulugja, sr hembaro nishani, pa dzi ko parfemija, nakitija, srchalukija, thaj agar naodori, bikingjepe dzi avdive ki shutka pali tikni moldija.

O dzene so bikinena vakerena kaj sebepi o nanipa love hari kingjepe pursakija, a svedoko bashi I asavki chipota si thaj amare duj dzuvlja anketirime kola so vakerena kaj sebepi o nanipa love na kingje nishto nikaske.

Sem so o dzuvlja mashkar peste denape pursakija, ko akava dive pursakija dena o chave pe dajengje, o Roma pe romnengje sar thaj o hemtikne chave taro silane agar so kerena bahtarina pire dajengje mangipaja lengje baht ko olengoro dzivdipa.

Amenda sar redakcija tari Tv Shutel kulandinaja akaja shajsarin te shaj te bahtara sa e dzuvljengje Roma thaj na Roma bahtalo o mashkardzijaneskoro dive e dzuvljakoro 8to mart.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha