8to mart – MASHKARDZIJANESKORO DIVE E DZUVLJAKORO !!!

8ми март

О 8to mart si anavkerdo basho Mashkardzianeskoro dive e dzuvljakoro kova so nishanikerelape sar sumnaleskoro bidzuko kova so nishanikerelape sekova bersh ko istono dive. Odova si dive kana nishanikerelape o mariba e dzuvljakoro bashi o ekonomijakoro, politikakoro thaj socijalno jekajeknijamluko e murshencar.

Sebepi so sarine amare anketirime na dzanle soske nishanikerelape o dive e dzuvljakoro 8to mart, amengje si duglipa te sikava soske odova dive nishanikerelape. I idja basho nishanikeriba e palune duveskoro posvetimo basho o dzuvlja avela taro shuru e 20to zamaneskoro, a te shaj te nishanikerelpe paluno paziba insistiringja o socijalistikano phiriba.
Basho avgo drom te nishanikerelpe o dive e dzuvljakoro ko lungo kotora e Evropakere keribaja sansareskere khedina, sine nishanikerdo ko 9to mart 1913 bersh.

Avdive, o 8to mart si rashtrakoro bidjuko salde ko hari phuvja sar so si Rusija, Belorusija, MOldavija, Ukraina, Ermenija, Mongolija, Uzbekistan, Vietnam thaj Kina. I R.Makedonija si jek taro o retka phuvja kote so nishanikerelape o Mashkardzianeskoro dive e dzuvljakoro, akoda akava bidjuko isile salde simbolikano statusi thaj nane politikakere konotacie.

 

O Roma vakerena kaj te kinelpe pursako ko akava dive e dzuvljakoro si shukar praktika thaj na dzala mujal khanchi, numa odova so gndinenale kaj si bilacho si so e dzuvljake na kamlape jek drom ko bersh te kerelpe paziba, numa sekova dive odoleja so ka arakhelpe thaj ka neguinelpe.

Ako ko sasto sumnal ko akava dive kerenape marshija thaj rodenape te phejrarenpe o phagerde nijamija e dzuvljengre ko sumnal, amende mashkar o Romane dzuvlja odol marshija tranpuinenape e veselbencar, muzika, hajbe, pijbe thaj ulaviba jek javere dzuvljake pursakija.

Akoda o Roma na dzanena soske kerena akava bidjuko, sapanda mashkar o Roma o bidjuko 8to mart si lungo pendjardo thaj kerelape.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha