8to April – Heminportantno dive ki Historija e Romengiri, ake so vakerena o naRoma e Romengje !!!

8МИ АПРИЛ

Ko avdisutni dive nishanikerelape o sumnaleskoro dive e Romengoro ki sajgija e Avgo kongreseskoro e Romengoro, ikerdo taro 8to dzi ko 12to april 1971 bersh ko London thaj odova si jek taro o heminportantno datumija ki historija akale dzijaneskiri. Koa kava datumi e kongreseskoro dikhlepe o sikavutne e Romengere taro 14 phuvja ko sumnal.

Sar jek taro o heminportantno lelakerde decizije si I decizija basho Romano bajrako thaj oficialno himna. O Romano bajrako ko teluno kotor isile o zeleno kolori kova so simbolizirinela I phuv, a o upruno kotor si koloririmo sino koloreja so nishanikerela I havaja. O lolo tkrlako kova so arakhelape ko mashkar e bajrakoro sikavela o phiriba thaj I migracija e Romengiri.

I oficialno Romani himna zojrakerelape ki purani Romani gili Dzelem Dzelem. O avgo kongreso e Romengoro ko London esapinkrgja thaj e anavkeribaja I oficialno Romani chip, sar thaj oficialno lelakeriba e anaveskoro Rom, so ko Romane znachinela manush.

Ko 4to sumnaleskoro kongresi e Romengoro ikerdo ko 1990 bersh ki Polska, halovdo si o 8to april, o dive kana sine pravdo o kongreso ko London, te anavkerelpe basho sumnaleskoro dive e Romengoro kova so sekova bersh ikerelape ko sasto sumnal.

 

Akoda o naRoma ki akaja amari anketa vakerena kaj o Roma dzivdinena ko shukar chane ki amari rashtra, sapanda but evropakere, amerikakere thaj javera havlaribna sikavena sar negativno nokta ko havlarina bashi makedonija o chane e legaribaskor osprema o Roma.

Ki makedonija isiamen Romane ministrija, Romane deputatija, Romano dizjakorosherutno thaj komuna kote so o pobaro dzijani si o Roma, numa sapanda kamlape panda but te kerelpe buti ko anglunipa e dzivdipaskere nijamengoro e Romengoro ki olengiri edukacija, sastipa, bukjardarnipa, domuiba thaj agar naodori.

You may also like...

Sorry - Comments are closed