50 bersha taro avgo Remek filmi Romane tematikaja “Khedutne e Porengoro”

PERDUVI

Ekvash zamani nakhla sar so o legenradno filmi Romane tematikaja anavkerdo sar “Khedutne e Porengoro” sine basho avgo drom sikavdo ko sasuitnipa.

Snimimo si tamam angleder 50 bersha ki Vojvodina, kova so basho avgo drom tretiringja thaj astargja te kerel buti upral I tema e Romane dzivdipaskiri ko sasuitnipa thaj avgo fimleskoro phejrariba Romane tematikaja ko thana e eks Jugoslavijakoro, kote so ko filmi kerelape lafi ki Romani chip.

Kerelae buti bashi melodrama bashi mangin mashkar o Bora thaj I Tisa ki Romani kupatni ki Vojvodina. Akava filmi kote so khelena I Olivera Bucho, Bekim Fehmiu, Bata Zivoinovik thaj javera, kergje buti ko shartija ko chika dzi ko kochija thaj odova takjate thaj diveskoro bizo dublerija thaj javera bukja.

Denatumen li ki gnd ki svena kote so o Fehmiu khuvela shamarkaja e Olivera? Odova na sine gluma.

O akteri odova khelgjale bizo ni hari glumiba. I shamarka sine chachikani, a I Olivera na vakergja ni jek lafi.

O mediumija vakerena kaj sasto jek chon I Olivera phiravela sine shudre obloge, te shaj te perel olakoro shuvlipa, ki te shaj te dzal poodori o snimiba e filmeskoro. Sine isto agar thaj javera scene kote so na sine glumiba jali dublerija. Sa sine snimimo realno.

O avgo filmi kheldo ki Romani chip thaj Romane tematikaja ko odova 1967 bersh lelakegja o avgo pursako ko Kan taro ziri.

O istono filmi sine predlozimo basho Oskar basho filmija taro bianglikano avipa. Numa sapanda o pursako gelo ko vasta e rezisereskere Jirzi Mencla basho o filmi “Strogo dikhlarde veshija”.

Numa o naratori e manifestacijakoro tegani vakergja: o pursako ka lel le o Aleksandar Petrovik basho o filmi “Khedutne e porengoro”.

You may also like...

Sorry - Comments are closed