20to fevruari: Bidzuko basho o Roma e Romanijakere… Ake Soske !!!

roma romanija

O Romanijakoro prezidenti Trajan Basesku gjechi rakhakoro o 20to fevruari vashramovingja o kanuni koleja so o 20 fevruari anavkerelape basho oficialno bidjuko.

O 20to fevruari anavkerelpe sar oficialno bidjuko ki Romanija tari rig e prezidenteskoro Trajan Basesku odoleske soske prekal leste nishanikerelape o agorkeriba e Romane robijashlukoskoro, thaj o 20 to fevrauri shaj te vakerelpe kaj o bersha so avela ka ovel o hembaro bidjuko basho o Roma e Romanijakere.

Esapinkerelape kaj ki Romanija dzivdinena trujal 1 tekvash milioni Roma, akoda o paluno vashramoviba e dzianeskoro olengoro numero sikavelalep kaj si 500 mile.

O Robijashluko e Romengoro kova so ki Romanija taro akava bersh vakerelape sar bidjuko e Romengoro, agorkerel ko 20to fevruari 1856 bersh, numa i diskriminacija mujal o Roma e Romanijakere dzala thaj poodori te kerelpe.

Akoda o divesa o prezidenti Tajan Basesko thaj oficialno vashramovingja o dokumentija te shaj o 20to fevruari te ovel anavkerdo sar bidjuko e Romengoro, lichno ov sar prezidenti nekozom drom ko nakle vakrija doshperavgja, diskrimniringja thaj kergja lafi namangipaja dzi ko Roma.

O chorolipa, o problemija e dokuibaja, diva kupatna thaj getija kote so dzivdinena o Roma, akoda agorkegja o robuiba, ola sapanda sikavenape sar shartija kolende so dzivdinena salde jek premukle robijashko dzijani, o Roma.

O probleimija ki olengiri edukacija, pismenuiba, socijalno nijamija, bukjardarnipa, mukena bare nishanija thaj dena ki gnd sapanda ko nakhle zamanija kana o Roma sine robijashija ki Romanija.

But baro numero taro Roma tari Romanija, te shaj te achoven ko tahati taro vasta e robuibaskere nashena ko barvale evropakere phuvja thaj rodena tha teleder o kham ko odola phuvja, nadibajape kaj odothe ki chacikani gnd e lafeskiri ka ahoen arakhkle taro vasta e robuibaskere, sar so odova kerelape salde ko lil jali hramomo lafi ki Romanija.

Ko agor, akoda o prezidenti e Romanijakoro anavkergja o dive 20to fevruari sar bidjuko basho o Roma, sebepi so ko istono dive numa ko 1856 bersh o Roma sine mukle o rahati taro robijashluko, sapanda baro numero taro Roma ki Romanija thaj poodori dzivdinena ko baro chorolipa thaj bieduciriba.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha